ବିଚକ୍ଷଣ ଭାରତୀୟ ବାଳକ ସାଦ୍‌ ନାସେର; ୧୫ ବର୍ଷ ବୟସରେ ହୋଇଥିଲେ ଇଭି ଶେର୍ପାର ସହ-ପ୍ରତିଷ୍ଠାତା

ନୂଆଦିଲ୍ଲୀ: ଦୁନିଆରେ ଲୋକମାନେ ସାମାନ୍ୟ ବୁଦ୍ଧିରେ ସନ୍ତୁଷ୍ଟ ହେଉଥିବା ବେଳେ ଅସାଧାରଣ ବୁଦ୍ଧିଥିବା ଲୋକମାନଙ୍କୁ ଖୁବ୍‌ କମ୍‌ ଦେଖିବାକୁ ମିଳିଥାଏ। ଏକ୍ଷେତ୍ରରେ କମ୍‌ ବୟସରେ ସଫଳତା ପାଉଥିବା ଲୋକ ବିରଳ ଦେଖିବାକୁ ମିଳିଥାନ୍ତି। ତେବେ, ସାଦ୍‌ ନାସେର ହେଉଛନ୍ତି ଏଭଳି ଜଣେ ବାଳକ ଯିଏ କି ମାତ୍ର ୧୭ ବର୍ଷ ବୟସରେ କୌଣସି ବୟସ୍କଙ୍କ ତୁଳନାରେ ବହୁତ କିଛି ହାସଲ କରିଛନ୍ତି। ସେ ହେଉଛନ୍ତି ଭାରତର ପ୍ରଥମ ଇଲେକ୍ଟ୍ରିକ୍‌ ଭେଇକିଲ୍‌ (ଇଭି) ଶେର୍ପାର ସହ-ପ୍ରତିଷ୍ଠାତା।

ନାସିର ଆରମ୍ଭରୁ ନିଜ ବୟସ ଠାରୁ ଆଗରେ ଥିଲେ। ପିଲାଟି ବେଳୁ ମୋଟର ଚାଳିତ ଖେଳନା ପ୍ରତି ରହିଥିଲା ଅହେତୁକ ଆଗ୍ରହ। ମୋଟର ଚାଳିତ ଖେଳନାର ନିର୍ମାଣ ତାଙ୍କୁ ଆକର୍ଷିତ କରୁଥିବା ସମୟରେ ତାଙ୍କୁ ବୟସ ହୋଇଥିଲା ମାତ୍ର ଏକ ବର୍ଷ। ଦୁଇ ବର୍ଷ ବୟସରେ ସେ ଖେଳନାଗୁଡ଼ିକୁ ଭଲ ଭାବରେ ଖୋଲି ସାରିଥିଲେ। ପାଞ୍ଚ ବର୍ଷ ବୟସ ବେଳକୁ ସେ ତାଙ୍କ ବାପାଙ୍କ ଜାଭା ପ୍ରୋଗ୍ରାମିଂ ବହି ପଢୁଥିଲେ। ସାତ ବର୍ଷ ବୟସ ବେଳକୁ ସେ ସି++ ଉପରେ ଏକ ପୁସ୍ତକ ଶେଷ କରିସାରିଥିଲେ।

୨୦୧୦ରେ ସେ ଉଡାସିଟି, ଏମଆଇଟି ଏବଂ ୱାଶିଂଟନ ବିଶ୍ୱବିଦ୍ୟାଳୟରୁ ପରିସଂଖ୍ୟାନ, ସର୍କିଟ ଏବଂ ଇଲେକ୍ଟ୍ରୋନିକ୍ସ ଏବଂ କମ୍ପ୍ୟୁଟେଶନାଲ ନ୍ୟୁରୋସାଇନ୍‌ସ ଉପରେ ଅନଲାଇନ ପାଠ୍ୟକ୍ରମ ଶେଷ କରିଥିଲେ।
କିନ୍ତୁ ନାସିରଙ୍କ ଅସାଧାରଣ ଦକ୍ଷତାକୁ ଅନ୍ୟମାନେ ବୁଝିବାର ରାସ୍ତା ସହଜ ନଥିଲା। ପ୍ରକୃତ ଆହ୍ଵାନ ସେତେବେଳେ ଆସିଥିଲା ଯେତେବେଳେ ସେ ପ୍ରଥମେ ସ୍କୁଲ ଯିବା ଆରମ୍ଭ କରିଥିଲେ। ଶିକ୍ଷକମାନେ ତାଙ୍କୁ ଅନେକ ସମୟରେ ବିଭ୍ରାନ୍ତ ଓ ଅନ୍ୟମନସ୍କ ମନେ କରୁଥିଲେ। ସେମାନେ ତାଙ୍କୁ କିପରି ସମ୍ଭାଳିବେ ବୁଝିପାରୁ ନଥିଲେ ଏବଂ ଛୋଟ ଛୋଟ ଭୁଲ ପାଇଁ ତାଙ୍କୁ ଗାଳି ଦେଉଥିଲେ। ଏହା ତାଙ୍କ ଆତ୍ମବିଶ୍ୱାସକୁ ଭାଙ୍ଗିଦେବା ସହ ତାଙ୍କୁ ଦୁଃଖିତ କରୁଥିଲା। କିନ୍ତୁ ତାଙ୍କ ପ୍ରତିଭା ଏବଂ ବୁଦ୍ଧିମତା ବହୁତ ଅଧିକ ଥିଲା।

୨୦୦୮ ମସିହାରେ ରଂଜିତା ସିହ୍ନା ନାମକ ଜଣେ ୩୯ ବର୍ଷୀୟା ଶିକ୍ଷୟିତ୍ରୀ ଦ୍ୱିତୀୟ ଶ୍ରେଣୀରେ ପାଠ ପଢ଼ାଇବା ପାଇଁ ଚାଇନାରୁ ବେଙ୍ଗାଲୁରୁ ଆସି ସାଦ୍‌ଙ୍କ ସ୍କୁଲକୁ ଆସିଥିଲେ। ସେ ସାଦ୍‌ଙ୍କ ସହ କଥାବାର୍ତ୍ତା କଲାବେଳେ ତାଙ୍କ ସାମର୍ଥ୍ୟକୁ ଅନୁଭବ କଲେ। ସେ ଏକ ନୋଟ୍‌ ତିଆରି କରି ସଂଯୋଜକଙ୍କ ନିକଟରେ ଏହି ଆଶ୍ଚର୍ଯ୍ୟଜନକ ପିଲା ବିଷୟରେ ଜଣାଇଥିଲେ ଏବଂ ନାସିରଙ୍କୁ ତାଙ୍କ ଗତିରେ ପାଠ ପଢିବା ପାଇଁ ସ୍ୱାଧୀନତା ଦେବା ପାଇଁ ବିଦ୍ୟାଳୟକୁ ରାଜି କରାଇଥିଲେ।

କିନ୍ତୁ ଧୀରେ ଧୀରେ ନାସିରଙ୍କ ପାଇଁ ସ୍କୁଲ ପାଠ ବୋରିଂ ହୋଇଗଲା ଏବଂ ସେ ଆଗ୍ରହ ହରାଇବାକୁ ଲାଗିଲେ। ପରେ ଶିକ୍ଷୟିତ୍ରୀ ସିହ୍ନାଙ୍କ ସମ୍ପର୍କୀୟମାନେ ସାଦ୍‌ଙ୍କୁ ଇଣ୍ଟେଲ ସହ ପରିଚିତ କରାଇଥିଲେ। ସେମାନେ ତାଙ୍କୁ ସେମାନଙ୍କ ବେଙ୍ଗାଲୁରୁ ନିମନ୍ତ୍ରଣ କରିଥିଲେ। ସେତେବେଳେ ନାସିର ତୃତୀୟ ଶ୍ରେଣୀରେ ପଢୁଥିଲେ। କିନ୍ତୁ ସେ ସେଠାରେ ପ୍ରୋସେସର, ଆଲଗୋରିଦମ୍‌ ଏବଂ ସି++ ଉପରେ ଜଟିଳ ପ୍ରଶ୍ନର ଉତ୍ତର ଦେଇ ଇଞ୍ଜିନିୟରମାନଙ୍କୁ ଚକିତ କରିଦେଇଥିଲେ।

ଏହାପରେ ସାଦ୍‌ ନାସେର ୧୫ ବର୍ଷ ବୟସରେ ଅତି ମୋଟର୍ସର ସହ ପ୍ରତିଷ୍ଠାତା ହୋଇଥିଲେ। ନାସିରଙ୍କୁ ଏବେ ୨୧ ବର୍ଷ ହୋଇଛି।