ଚୀନ୍‌ କମ୍ପାନି ସାଓମି ପକ୍ଷରୁ ଏକ ନୂଆ ସ୍ମାର୍ଟ ଏବଂ ମିନି ସ୍ପିକର୍‌ର ଉନ୍ମୋଚନ କରାଯାଇଛି। ଧଳା ରଙ୍ଗରେ କମ୍ପାନି ଏହି ମିନି ସ୍ପିକରକୁ ଆଣିଛି। ଏହି ସ୍ପିକରଟି ଗୁଗୁଲ୍‌ ହୋମ୍‌ ମିନି, ଆମାଜନ୍‌ ଇକୋ ଡଟ୍‌, ଆପଲ୍‌ ହୋମ୍‌ପଡ ଆଦି ସ୍ପିକର ସହିତ ପ୍ରତିଯୋଗିତା କରିବା ନେଇ ଆଶା କରାଯାଉଛି। ସାଓମିର ଏହି ସ୍ପିକରଟି ଭଏସ୍‌ କମାଣ୍ଡ୍‌କୁ ସପୋର୍ଟ କରିଥାଏ। ଡିଜିଟାଲ ଆସିଷ୍ଟାଣ୍ଟ ସହିତ ଏହି ସ୍ପିକର ଆସିଥିବାରୁ ଗ୍ରାହକ ସାଓମିର ଅନ୍ୟ ଉତ୍ପାଦକୁ ଏହା ମାଧ୍ୟମରେ ନିୟନ୍ତ୍ରଣ କରିବା ସୁଯୋଗ ରହିଛି। ଏହି ସ୍ପିକର ଉପରେ ୪ଟି ବଟନ୍‌ ରହିଛି ଯେଉଁଥିରେ ପ୍ଲେ, ପଜ୍‌, ଆକ୍ଟିଭେଟ୍‌ ଏବଂ ନେକ୍ସଟ ସୁବିଧା ରହିଛି। ଆର୍ଟିଫିସିଆଲ ଇଣ୍ଟେଲିଜେନ୍ସରେ ପରିଚାଳିତ ହେଉତଇବାରୁ ଏଥିରେ ଗ୍ରାହକ ଏଥିରେ ୩୫ ନିୟୁତ ଗୀତ, ବହି ଆଦି ପାଇବା ସୁବିଧା ରହିଛି। ଏତଦ୍‌ବ୍ୟତୀତ ଟ୍ରାଫିକ୍‌ ଯାଞ୍ଚ, ରିମାଇଣ୍ଡର ସେଟ୍‌ ଆଦି ସୁବିଧା ମଧ୍ୟ ରହିଛି। ଏହାର ମୂଲ୍ୟ ୧୬୯ ୟୁଆନ୍‌ ବା ପ୍ରାୟ ୧୮୦୦ ଟଙ୍କା ରହିଛି। ତେବେ ଏହି ଉତ୍ପାଦ ଭାରତରେ ଉପଲବ୍ଧ ହେବ କି ନାହିଁ ଏବଂ ଯଦି ହେବ କେବେଠାରୁ ସେ ନେଇ କିଛି ସୂଚନା ନାହିଁ।