ଟୟୋଟା ଟାଇଜର୍ ବିକ୍ରି ଆରମ୍ଭ
ଭୁବନେଶ୍ବର: ଟୟୋଟା କିର୍ଲୋସ୍କରର ନୂଆ ଅର୍ବାନ କ୍ରୁଜର ଟାଇଜର୍ର ବିକ୍ରି ‘କ୍ୟାପିଟାଲ୍ ଟୟୋଟା’ରେ ଆରମ୍ଭ ହୋଇଯାଇଛି। ପେଟ୍ରୋଲ୍ ଓ ଇ-ସିଏନ୍ଜି ବିକଳ୍ପରେ ଉପଲବ୍ଧ ହୋଇଥିବା ଟାଇଜର୍ର ଆଧୁନିକ ଷ୍ଟାଇଲ୍, ଅତ୍ୟାଧୁନିକ ସୁବିଧାସୁଯୋଗ ଓ ଉନ୍ନତ ପ୍ରଯୁକ୍ତିର ସମିଶ୍ରଣ ରହିଛି। ଟାଇଜର୍ର ଉନ୍ମୋଚନ ଅବସରରେ ଷ୍ଟେଟ୍ ବ୍ୟାଙ୍କର ମହାପ୍ରବନ୍ଧକ ଚିତ୍ତରଞ୍ଜନ ସାମନ୍ତରାୟ, କ୍ୟାପିଟାଲ୍ ଟୟୋଟାର ଅଧ୍ୟକ୍ଷ ସତିଶ ଗର୍ଗ, ନିର୍ଦ୍ଦେଶକ ସିଦ୍ଧାର୍ଥ ଗର୍ଗ, ମହାପ୍ରବନ୍ଧକ ଚମ୍ପକ କୁମାର ଦାସ ଓ ମାର୍କେଟିଂ ପରିଚାଳକ ସୁଶାନ୍ତ କୁମାର ସାହୁ ଉପସ୍ଥିତ ଥିଲେ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ଗ୍ରାହକମାନଙ୍କ ସ୍ବତନ୍ତ୍ର ଆବଶ୍ୟକତାକୁ ଦୃଷ୍ଟିରେ ରଖି କମ୍ପାନି ପକ୍ଷରୁ ଟାଇଜର୍ର ଭିତର ପାର୍ଶ୍ବକୁ ପ୍ରସ୍ତୁତ କରାଯାଇଛି। ସୁରକ୍ଷା ଦୃଷ୍ଟିରୁ ଏଥିରେ ୬ ଏୟାରବ୍ୟାଗ୍, ଯାନ ସ୍ଥିରତା ନିୟନ୍ତ୍ରଣ ସହିତ ହିଲ୍ ହୋଲ୍ଡ ଆସିଷ୍ଟ, ୩୬୦ ଡିଗ୍ରି ଭିଉ କ୍ୟାମେରା, ପଛ ପାର୍କିଂ ସେନ୍ସର୍, ଏବିଏସ୍ ସହିତ ଇବିଡି ଭଳି ସୁବିଧା ରହିଛି। ଉଭୟ ଗୋଟିଏ ଟୋନ୍ ଓ ଦୁଇ ଟୋନ୍ ରଙ୍ଗରେ ଟାଇଜର୍ ଉପଲବ୍ଧ ହୋଇଛି। ଏହାର ଡେଲିଭରି ଚଳିତ ମାସରୁ ଆରମ୍ଭ ହୋଇଛି। ଗ୍ରାହକମାନେ ଡିଲର୍ସିପ୍ରେ ପହଞ୍ଚି କିମ୍ବା କମ୍ପାନିର ୱେବସାଇଟ୍ ଜରିଆରେ ଏହାର ବୁକିଂ କରିପାରିବେ।