ସାମସଙ୍ଗ୍ ଗାଲାକ୍ସି ଏମ୍୩୦ ଉନ୍ମୋଚିତ
ଭୁବନେଶ୍ୱର: ନୂଆ ପିଢ଼ିକୁ ଅଧିକ ଶକ୍ତି ପ୍ରଦାନ କରିବା ପାଇଁ ସାମସଙ୍ଗ୍ ଇଣ୍ଡିଆ ପକ୍ଷରୁ ଗାଲାକ୍ସି ଏମ୍୩୦କୁ ଉନ୍ମୋଚନ କରାଯାଇଛି । ଏମ୍ ସିରିଜ୍ ଉତ୍ପାଦ ବର୍ଗରେ କଂପାନି ଏମ୍୩୦କୁ ଯୋଡ଼ି ଏହାକୁ ଅଧିକ ରୁଦ୍ଧିମନ୍ତ କରିଛି । ଗାଲାକ୍ସି ଏମ୍୩୦କୁ ପ୍ରଯୁକ୍ତି ପସନ୍ଦ କରୁଥିବା ନୂତନ ପିଢ଼ିକୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି, ଯେଉଁଥିରେ ତିନିଟି କ୍ୟାମେରା, ସୁପର ଆମୋଏଲଇଡି ଇନଫିନିଟି ୟୁ ଡିସ୍ପ୍ଲେ ଏବଂ ୫୦୦୦ ଏମ୍ଏଏଚ୍ ବ୍ୟାଟେରି ରହିଛି । ନିକଟରେ ଉନ୍ମୋଚନ ହୋଇଥିବା ଏମ୍୧୦ ଏବଂ ଏମ୍୨୦କୁ ଜବରଦସ୍ତ ସମର୍ଥନ ମିଳିବା ପରେ କଂପାନି ପକ୍ଷରୁ ଏମ୍୩୦କୁ ଉନ୍ମୋଚନ କରିବାକୁ ନିଷ୍ପତି ନିଆଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଗାଲାକ୍ସି ଏମ୩୦ରେ ରହିଛି ୬.୪ ଇଂଚ୍ ଡିସ୍ପ୍ଲେ, ଅକ୍ଟାକୋର୍ ଏକ୍ସିନସ୍ ୭୯୦୪ ପ୍ରୋସେସର, ସାମ୍ନାରେ ୧୬ ଏମପି, ପଛରେ ୧୩+୫ ଏମପି କ୍ୟାମେରା, ୬+୧୨୮ ଓ ୪+୬୪ ଜିବି ରାମ୍/ରମ୍, ୫୦୦୦ ଏମ୍ଏଏଚ୍ ବ୍ୟାଟେରି ଏବଂ ଫେସ୍ ଅନଲକ୍ ଓ ଫିଗଂରପ୍ରିଂଟ୍ ବ୍ୟବସ୍ଥା ।
ଏହା ଗ୍ରେଡେସନ୍ ବ୍ଲାକ୍ ଓ ଗ୍ରେଡେସନ୍ ବ୍ଲୁ ରଙ୍ଗରେ ଉପଲବ୍ଧ ହେବ । ଗାଲାକ୍ସି ଏମ୍୩୦ର ୪+୬୪ ଜିବି ମଡେଲ୍ର ମୂଲ୍ୟ ୧୪,୯୯୦ ଟଙ୍କା ରହିଥିବା ବେଳେ ୬+୧୨୮ ଜିବିର ମୂଲ୍ୟ ୧୭,୯୯୦ ଟଙ୍କା ରହିଛି । ଏହା ମାର୍ଚ ୫ରୁ ଆମାଜନ ଡଟ ଇନ୍ ଏବଂ ସାମସଙ୍ଗ ଡଟ୍ କମ୍ରେ ଉପଲବ୍ଧ ହେବ ।