୩ ହଜାର କର୍ମଚାରୀଙ୍କୁ ଛଟେଇ କରିବ ଏସଏପି
ନୂଆଦିଲ୍ଲୀ : ବିଶ୍ବର ପ୍ରମୁଖ ଆଇଟି କମ୍ପାନିମାନଙ୍କ ଦ୍ବାରା କରାଯାଉଥିବା ଛଟେଇ ଆଇଟି ପେସାଦାରଙ୍କ ମଧ୍ୟରେ ଆତଙ୍କ ସୃଷ୍ଟି କରିଛି । ଗତ ନଭେମ୍ବରରୁ ଏପର୍ଯ୍ୟନ୍ତ ବିଭିନ୍ନ ଆମେରିକୀୟ ପ୍ରାୟ ୨ ଲକ୍ଷ ଛଟେଇ କରିସାରିଲେଣି । ମାଇକ୍ରୋସଫ୍ଟ, ମେଟା, ଟୁଇଟର, ଆମାଜନ, ଗୁଗୁଲ ଆଦି କମ୍ପାନି ହଜାର ହଜାର କର୍ମଚାରୀଙ୍କୁ ଛଟେଇ କରିସାରିଲେଣି । ଏବେ ଆଉ ଏକ ବହୁରାଷ୍ଟ୍ରୀୟ ଆଇଟି କମ୍ପାନି ଛଟେଇ କରିବା ସମ୍ପର୍କରେ ଘୋଷଣା କରିଛି । ଜର୍ମାନ ସଫ୍ଟୱେର୍ ବିଶାଳ ଏସଏପି ଗୁରୁବାର ଦିନ କହିଛି ଯେ ଚଳିତ ବର୍ଷ ଏହା ୩,୦୦୦ କର୍ମଚାରୀଙ୍କୁ ଛଟେଇ କରିବ । ଏହା କମ୍ପାନିର ମୋଟ କର୍ମଚାରୀ ସଂଖ୍ୟାର ୨.୫ ପ୍ରତିଶତ ବୋଲି ଜଣାପଡ଼ିଛି । ଆଇଟି କ୍ଷେତ୍ରରେ ବିଶ୍ୱ ଅର୍ଥନୀତିରେ ମାନ୍ଦାବସ୍ଥା ହେତୁ ଛଟେଇ କରାଯାଉଛି ବୋଲି କମ୍ପାନୀ ସ୍ୱୀକାର କରିଛି।
Sambad is now on WhatsApp
Join and get latest news updates delivered to you via WhatsApp
ଏହି କମ୍ପାନି ପାରମ୍ପାରିକ ସଫ୍ଟୱେୟାର୍ ଏବଂ କ୍ଲାଉଡ୍-ଆଧାରିତ କମ୍ପ୍ୟୁଟିଂ ସେବା ପ୍ରଦାନ କରେ। କମ୍ପାନୀ କହିଛି ଯେ ଏହା “ଏହାର ମୂଳ ବ୍ୟବସାୟକୁ ମଜବୁତ କରିବା” ଏବଂ ଗୁଣବତ୍ତା ରେ ଉନ୍ନତି ଆଣିବା ପାଇଁ ଏହି ଯୋଜନା କରିଛି।
ଏସଏପିର ବିଶ୍ୱବ୍ୟାପୀ ପ୍ରାୟ ୧୨୦,୦୦୦ କର୍ମଚାରୀଙ୍କ କର୍ମଚାରୀ ଅଛନ୍ତି । ଏସଏପି ଏହା ମଧ୍ୟ କହିଛି ଯେ ଏହା ନିଜର ଶାଖା କମ୍ପାନି କ୍ୱାଲେଟ୍ରିକ୍ସ କୁ ବିକ୍ରି କରିଦେବ । ଏହା ଏସଏପିକୁ ଏହାର ମୂଳ କ୍ଲାଉଡ୍ ବ୍ୟବସାୟ ଉପରେ ଅଧିକ ଧ୍ୟାନ ଦେବାକୁ ସୁଯୋଗ ଦେବ ।