ଦିଆସିଲି ଖୋଳରେ ଶାଢ଼ି, ବୁଣାକାରଙ୍କ ଅଦ୍ଭୁତ ବୁଣାଶୈଳୀକୁ ନେଇ ଚର୍ଚ୍ଚା
ହାଇଦ୍ରାବାଦ: ଦିଆସିଲି ଖୋଳରେ ଶାଢ଼ି | କଥାଟି ଶୁଣି ଆପଣ ଆଶ୍ଚର୍ଯ୍ୟ ହୋଇଗଲେ କି ? ଏହି କଥାଟି କିନ୍ତୁ ଏକଦମ ସତ | ନିଜର ଅତୁଳନୀୟ ହସ୍ତକଳାକୁ ବ୍ୟବହାର କରି ତେଲେଙ୍ଗାନାର ଜଣେ ବୁଣାକାର ଏଭଳି ଏକ ଶାଢ଼ି ବୁଣିଛନ୍ତି ଯାହାକୁ ଏକ ଦିଆସିଲି ଖୋଳରେ ରଖାଯାଇପାରିବ | ତେଲେଙ୍ଗାନାରେ ନାଲା ବିଜୟ ନାମକ ଏହି ବୁଣାକାର ଏକ ରେଶମୀ ଶାଢ଼ି ବୁଣିଛନ୍ତି । ହାତରେ ଏହି ଶାଢ଼ି ବୁଣିବା ପାଇଁ ତାଙ୍କୁ ଦୁଇ ସପ୍ତାହ ସମୟ ଲାଗିଥିଲା ଏବଂ ଏହାର ମୂଲ୍ୟ ୧୨,୦୦୦ ଟଙ୍କା ରହିଛି |
Sambad is now on WhatsApp
Join and get latest news updates delivered to you via WhatsApp
ଯଦି ଏହାକୁ ମେସିନରେ ବୁଣାଯାଏ, ତେବେ ଏହା ତିନି ଦିନ ଲାଗିବ ଏବଂ ଏହାର ମୂଲ୍ୟ ୮,୦୦୦ ଟଙ୍କା ହେବ ବୋଲି ବିଜୟ କହିଛନ୍ତି | ପ୍ରତିଭାଶାଳୀ ବୁଣାକାର ବିଜୟ ନିଜ ପିତାଙ୍କ ପାଖରୁ ଶିଖିଥିବା କଳାକୁ ବଂଚାଇରଖିବା ପାଇଁ ଏଭଳି ପ୍ରୟାସ ଜାରି ରଖିଛନ୍ତି | ରାଜ୍ୟର ମନ୍ତ୍ରୀ କେ ତାରକା ରାମା ରାଓ, ପି ସାବିଥା ଇନ୍ଦ୍ରରେଡି, ଭି ଶ୍ରୀନିବାସ ଏବଂ ଇରାବେଲି ଦିନକର ରାଓଙ୍କ ସାମ୍ନାରେ ବିଜୟ ବୁଣା ଯାଇଥିବା ଶାଢ଼ି ପ୍ରଦର୍ଶନ କରିଥିଲେ |
ସମସ୍ତ ମନ୍ତ୍ରୀ ଯୁବ ବୁଣାକାରଙ୍କୁ ପ୍ରଶଂସା କରିଥିଲେ ଏବଂ ମନ୍ତ୍ରୀମାନେ କହିଥିଲେ ଯେ ସେମାନେ ଏହି ଶାଢ଼ି ବିଷୟରେ ଶୁଣିଥିଲେ, କିନ୍ତୁ ଏହାକୁ ପ୍ରଥମ ଥର ପାଇଁ ଦେଖୁଛନ୍ତି | ମନ୍ତ୍ରୀମାନେ କହିଛନ୍ତି ଯେ ବୁଣାକାରମାନେ ଅତ୍ୟାଧୁନିକ ଜ୍ଞାନକୌଶଳ ଏବଂ ଆଧୁନିକ ଯନ୍ତ୍ରପାତି ବ୍ୟବହାର କରି ଉଚ୍ଚମାନର କାମ କରୁଛନ୍ତି ।