ସ୍ୱାଭାବିକ ହେଲା ଷ୍ଟେଟ୍ ବ୍ୟାଙ୍କର କୋର୍ ବ୍ୟାଙ୍କିଙ୍ଗ୍ ସେବା, ଗ୍ରାହକ ଆଶ୍ୱସ୍ତ
ମୁମ୍ବାଇ : ବୈଷୟିକ ତ୍ରୁଟି ଯୋଗୁଁ ଆଜି ଦିନଯାକ ଗୁରୁତରଭାବେ ପ୍ରଭାବିତ ହୋଇଥିବା ଭାରତୀୟ ଷ୍ଟେଟ ବ୍ୟାଙ୍କର କୋର୍ ବ୍ୟାଙ୍କିଙ୍ଗ୍ ସେବା ସ୍ୱାଭାବିକ ହୋଇଛି । ଏ ସମ୍ପର୍କରେ ବ୍ୟାଙ୍କ ପକ୍ଷରୁ ଟ୍ଵିଟ କରି ଘୋଷଣା କରାଯାଇଛି । କୋର୍ ବ୍ୟାଙ୍କିଙ୍ଗ୍ ସେବା ସ୍ୱାଭାବିକ ହେବା ପରେ ଅନଲାଇନ ବ୍ୟାଙ୍କିଙ୍ଗ୍, ୟୋନୋ ଆପ ମଧ୍ୟ ସ୍ୱାଭାବିକ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଷ୍ଟେଟ ବ୍ୟାଙ୍କ ପକ୍ଷରୁ କୁହାଯାଇଥିଲା ଯେ ଏକ ବୈଷୟିକ ତ୍ରୁଟି ଯୋଗୁଁ ଏହାର କୋର୍ ବ୍ୟାଙ୍କିଙ୍ଗ ସେବା ପ୍ରଭାବିତ ହୋଇଛି । ଏହି ତ୍ରୁଟି ଦ୍ୱାରା ଏଟିଏମ ଓ ପିଓଏସ (ପଏଣ୍ଟସ ଅଫ ସର୍ଭିସ) ସେବାକୁ ଛାଡ଼ିଦେଲେ ଅନ୍ୟ ସମସ୍ତ ବ୍ୟାଙ୍କିଙ୍ଗ୍ ଚ୍ୟାନେଲ ପ୍ରଭାବିତ ହୋଇଥିଲା ।
ଏଠାରେ ଉଲ୍ଲେଖଯୋଗ୍ୟ ଯେ କୋର ବ୍ୟାଙ୍କିଙ୍ଗ ହେଉଛି ଗୋଟିଏ ବ୍ୟାଙ୍କର ଏକ କେନ୍ଦ୍ରୀକୃତ ବ୍ୟବସ୍ଥା ଯାହାଦ୍ୱାରା ଜଣେ ଗ୍ରାହକ ଯେ କୌଣସି ଶାଖାରେ, କିମ୍ବା ଅନଲାଇନରେ ନିଜର ବ୍ୟାଙ୍କ କାରବାର କରିପାରିବେ । ସରଳ ଭାଷାରେ କହିଲେ କୋର ବ୍ୟାଙ୍କିଙ୍ଗ ବ୍ୟବସ୍ଥା ଗୋଟିଏ ବ୍ୟାଙ୍କର ସମସ୍ତ ଶାଖାକୁ ଗୋଟିଏ ନେଟଓ୍ଵର୍କରେ ବାନ୍ଧିରଖିଥାଏ ।
ଏହା ପୂର୍ବରୁ ଆଜି ଷ୍ଟେଟ୍ ବ୍ୟାଙ୍କର ସେବା ମିଳିବାରେ ସମସ୍ୟା ହେଉଥିବା କଥା ଅନେକ ଗ୍ରାହକ ଟ୍ଵିଟ୍ କରି ଅଭିଯୋଗ କରିଥିଲେ । ବିଶେଷ କରି ଷ୍ଟେଟ୍ ବ୍ୟାଙ୍କର ଅନଲାଇନ୍ ବ୍ୟାଙ୍କିଙ୍ଗ ସେବା ଓ ଏସବିଆଇ ୟୋନୋ ଆପ ଠିକ ଭାବେ ଚାଲୁନଥିବା ଅଭିଯୋଗ ହୋଇଥିଲା ।