ଋଣ ସୁଧହାର ୨୫ ବେସିସ ପଏଣ୍ଟ କମାଇଲା ଷ୍ଟେଟ ବ୍ୟାଙ୍କ
ନୂଆଦିଲ୍ଲୀ : ଭାରତୀୟ ଷ୍ଟେଟ ବ୍ୟାଙ୍କର ଗ୍ରାହକଙ୍କ ପାଇଁ ଖୁସି ଖବର । ବ୍ୟାଙ୍କ ପକ୍ଷରୁ ନିଜର ଋଣ ସୁଧହାର ହ୍ରାସ କରାଯାଇଛି । ରିଜର୍ଭ ବ୍ୟାଙ୍କ ପକ୍ଷରୁ ରେପୋ ହାର କମାଯିବା ପରେ ଆଶା କରାଯାଉଥିଲା ଯେ ଷ୍ଟେଟ ବ୍ୟାଙ୍କ ନିଜର ଋଣ ସୁଧହାରକୁ କମାଇବ ।
Sambad is now on WhatsApp
Join and get latest news updates delivered to you via WhatsApp
ଷ୍ଟେଟ ବ୍ୟାଙ୍କ ନିଜର ସର୍ବନିମ୍ନ ଋଣ ସୁଧହାର ବା ମାର୍ଜିନାଲ କଷ୍ଟ ବେସଡ ଲେଣ୍ଡିଂ ରେଟ (ଏମସିଏଲଆର)କୁ ୨୫ ବେସିସ ପଏଣ୍ଟ ବା ୦.୨୫ ପ୍ରତିଶତ ହ୍ରାସ କରାଯାଇଛି । ସବୁ ମିଆଦର ଋଣ ପାଇଁ ଏମସିଏଲଆରକୁ ହ୍ରାସ କରାଯାଇଛି । ଏହା ଫଳରେ ବର୍ଷିକିଆ ମିଆଦ ପାଇଁ ଋଣସୁଧହାର ୭.୨୫ ପ୍ରତିଶତରୁ ୭ ପ୍ରତିଶତକୁ କମିଛି । ବେସରେଟ ମଧ୍ୟ ୭୫ ବେସିସ ପଏଣ୍ଟ ହ୍ରାସ ପାଇ ୭.୪୦ ପ୍ରତିଶତରେ ପହଞ୍ଚିଛି ।
ମେ ୨୭ ତାରିଖରେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ପକ୍ଷରୁ ସ୍ଥାୟୀ ଜମା ଉପରେ ଦିଆଯାଉଥିବା ସୁଧହାର ୪୦ ବେସିସ ପଏଣ୍ଟ ବା ୦.୪ ପ୍ରତିଶତ ପର୍ଯ୍ୟନ୍ତ ହ୍ରାସ କରାଯାଇଥିଲା । କେବଳ ଏତିକି ନୁହେଁ, ୨ କୋଟିରୁ ଅଧିକ ପରିମାଣର ସ୍ଥାୟୀ ଜମା ଉପରେ ସୁଧହାର ୫୦ ବେସିସ ପଏଣ୍ଟ ବା ୦.୫ ପ୍ରତିଶତ ହ୍ରାସ କରାଯାଇଥିଲା । ଏହି ହ୍ରାସ ପରେ ୫ବର୍ଷରୁ ୧୦ ବର୍ଷ ପର୍ଯ୍ୟନ୍ତ କରାଯାଉଥିବା ସ୍ଥାୟୀ ଜମା ଉପରେ ଦିଆଯାଉଥିବା ସୁଧହାର ୫.୪୦ ପ୍ରତିଶତକୁ ହ୍ରାସ ପାଇଛି, ଯାହାକି ପୂର୍ବରୁ ୫.୭୦ ପ୍ରତିଶତ ଥିଲା ।