୧ ମାସ ମଧ୍ୟରେ ୟେସ୍ ବ୍ୟାଙ୍କର ପୁନର୍ଗଠନ, ନିବେଶ କରିବ ଷ୍ଟେଟ ବ୍ୟାଙ୍କ : ସୀତାରମଣ
ନୂଆଦିଲ୍ଲୀ : ଆସନ୍ତା ୧ ମାସ ମଧ୍ୟରେ ଆର୍ଥିକ ସଂକଟରେ ପଡ଼ିଥିବା ୟେସ୍ ବ୍ୟାଙ୍କର ପୁନର୍ଗଠନ କରାଯିବ । ଯଦ୍ୱାରାକି ଶୁକ୍ରବାରଠାରୁ ଲାଗୁ ହୋଇଥିବା କଟକଣା ସମୟ ଶେଷ ହେବା ପରେ ବ୍ୟାଙ୍କ ସ୍ୱାଭାବିକ ଭାବେ ଚାଲିପାରିବ ଓ ଜମାକାରୀଙ୍କ ସ୍ୱାର୍ଥ ରକ୍ଷା ହୋଇପାରିବ ବୋଲି କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ସେ କହିଛନ୍ତି ଯେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ୟେସ ବ୍ୟାଙ୍କକୁ ଆର୍ଥିକ ସଂକଟରୁ ଉଦ୍ଧାର କରିବାକୁ ରାଜି ହୋଇଛି ଓ ଏଥିରେ ନିବେଶ କରିବାକୁ ନିଷ୍ପତ୍ତି ନେଇଛି ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ରିଜର୍ଭ ବ୍ୟାଙ୍କ ୟେସ ବ୍ୟାଙ୍କର ବୋର୍ଡ ଅଫ ଡାଇରେକ୍ଟର୍ସକୁ ଭାଙ୍ଗିଦେବା ସହ ଜମାକାରୀଙ୍କ ପାଇଁ ମାସିକ ଜମା ଉଠାଣକୁ ୫୦ହଜାର ଟଙ୍କା ମଧ୍ୟରେ ସୀମିତ ରଖିଛନ୍ତି । ଏହା ସହିତ ବ୍ୟାଙ୍କ କୌଣସି ନୂଆ ଋଣ ଦେଇପାରିବେ ନାହିଁ କିମ୍ବା ନୂଆ ନିବେଶ କରିପାରିବେ ନାହିଁ । ୟେସ ବ୍ୟାଙ୍କର ପରିଚାଳନା ପାଇଁ ରିଜର୍ଭ ବ୍ୟାଙ୍କ ଏସବିଆଇର ପୂର୍ବତନ ମୁଖ୍ୟ ଅର୍ଥ ଅଧିକାରୀ ପ୍ରଶାନ୍ତ କୁମାରଙ୍କୁ ପ୍ରଶାସକ ନିଯୁକ୍ତ କରିଛି । ୟେସ ବ୍ୟାଙ୍କ ବିରୁଦ୍ଧରେ ରିଜର୍ଭ ବ୍ୟାଙ୍କର ଏହି ପଦକ୍ଷେପ ପରେ ଷ୍ଟକ ବଜାରରେ ୟେସ ବ୍ୟାଙ୍କର ସେୟାର ହ୍ରାସ ପାଇଛି ।