ଷ୍ଟେଟ ବ୍ୟାଙ୍କ ଗ୍ରାହକଙ୍କ ପାଇଁ ଖୁସି ଖବର, ଜୁନ ୩୦ ପର୍ଯ୍ୟନ୍ତ ଏଟିଏମ ବ୍ୟବହାର ଶୁଳକ ଛାଡ଼
ମୁମ୍ବାଇ : ଷ୍ଟେଟ ବ୍ୟାଙ୍କ ଗ୍ରାହକଙ୍କ ପାଇଁ ଖୁସି ଖବର । ଆସନ୍ତା ଜୁନ୩୦ ପର୍ଯ୍ୟନ୍ତ ଯେକୌଣସି ଏଟିଏମରୁ ଟଙ୍କା ଉଠାଣ ଉପରେ କୌଣସି ଶୁଳକ ଲାଗୁ ହେବ ନାହିଁ । ଏ ସଂପର୍କରେ ବ୍ୟାଙ୍କ ପକ୍ଷରୁ ଟ୍ୱିଟ କରି ଘୋଷଣା କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଟ୍ୱିଟରେ ଷ୍ଟେଟ ବ୍ୟାଙ୍କ ପକ୍ଷରୁ କୁହାଯାଇଛି ଯେ ଗତ ମାର୍ଚ୍ଚ ୨୪ ତାରିଖରେ ଅର୍ଥମନ୍ତ୍ରୀଙ୍କ ଦ୍ୱାରା ଏଟିଏମ ଶୁଳକ ଛାଡ଼ ଉପରେ ଘୋଷଣା କରାଯାଇଥିଲା । ଏହାକୁ ଦୃଷ୍ଟିରେ ରଖି ଷ୍ଟେଟ ବ୍ୟାଙ୍କ ପକ୍ଷରୁ ଆସନ୍ତା ଜୁନ ୩୦ ପର୍ଯ୍ୟନ୍ତ ଛାଡ଼ କରାଯିବାକୁ ନିଷ୍ପତ୍ତି ନିଆଯାଇଛି । ଗ୍ରାହକମାନେ ଷ୍ଟେଟ ବ୍ୟାଙ୍କ ଏଟିଏମ କିମ୍ବା ଅନ୍ୟ ଏଟିଏମରୁ ଟଙ୍କା ଉଠାଣ ଉପରେ କୌଣସି ଶୁଳକ ଲାଗୁ ହେବ ନାହିଁ । ପୂର୍ବରୁ ପ୍ରଚଳିତ ଶୁଳକମୁକ୍ତ ଏଟିଏମ ସୀମାକୁ ମଧ୍ୟ ଉଠାଇ ଦିଆଯାଇଛି ।
ପ୍ରଚଳିତ ସୀମା ଅନୁସାରେ ଗ୍ରାହକମାନେ ନିଜ ବ୍ୟାଙ୍କର ଏଟିଏମରୁ ମାସକୁ ୫ ଥର ବିନା ଶୁଳକରେ ଓ ଅନ୍ୟ ବ୍ୟାଙ୍କର ଏଟିଏମରୁ ମାସକୁ ୩ ଥର ବିନା ଶୁଳକରେ ଟଙ୍କା ଉଠାଇ ପାରୁଥିଲେ । ଷ୍ଟେଟ ବ୍ୟାଙ୍କର ନୂଆ ନିୟମ ଅନୁସାରେ ଜୁନ ୩୦ ପର୍ଯ୍ୟନ୍ତ ଗ୍ରାହକମାନେ ଯେ କୌଣସି ଏଟିଏମରୁ ନିଜ ଆବଶ୍ୟକତା ଅନୁସାରେ ଟଙ୍କା ଉଠାଣ ବିନା ଶୁଳକରେ ଉଠାଣ କରିପାରିବେ । ମାସକୁ ୫ ଥରରୁ ଅଧିକ ଥର ପାଇଁ ଟଙ୍କା ଉଠାଇଲେ ମଧ୍ୟ ଶୁଳକ ଲାଗୁ ହେବ ନାହିଁ ।