ହ୍ବାଟ୍ସଆପ ବ୍ୟାଙ୍କିଙ୍ଗ୍ ସେବା ଆରମ୍ଭ କଲା ଷ୍ଟେଟ୍ ବ୍ୟାଙ୍କ୍
ମୁମ୍ବାଇ : ଭାରତର ବହତ୍ତମ ରାଷ୍ଟ୍ରାୟତ୍ତ ବ୍ୟାଙ୍କ ଷ୍ଟେଟ ବ୍ୟାଙ୍କ ପକ୍ଷରୁ ହ୍ବାଟ୍ସଆପ ବ୍ୟାଙ୍କିଙ୍ଗ୍ ସେବା ଆରମ୍ଭ କରିବାକୁ ଘୋଷଣା କରାଯାଇଛି । ଏହି ସେବା ମାଧ୍ୟମରେ ଗ୍ରାହକମାନେ ହ୍ବାଟ୍ସଆପ ମାଧ୍ୟମରେ କେତେକ ନିର୍ଦ୍ଦିଷ୍ଟ ବ୍ୟାଙ୍କ ସେବା, ଯେପରିକି ବାଲାନ୍ସ ଚେକ୍, ମିନି ଷ୍ଟେଟମେଣ୍ଟ ଆଦି ପାଇପାରିବେ ।
Sambad is now on WhatsApp
Join and get latest news updates delivered to you via WhatsApp
ବୁଧବାରଦିନ ଷ୍ଟେଟ ବ୍ୟାଙ୍କ ପକ୍ଷରୁ ଏକ ଟୁଇଟ କରି ଏହି ସେବା ଆରମ୍ଭ କରାଯିବା ସମ୍ପର୍କରେ ଘୋଷଣା କରାଯାଇଛି । ଏହି ସେବା ଆରମ୍ଭ ହେବା ପରେ ଗ୍ରାହକମାନଙ୍କୁ ବାଲାନ୍ସ ଚେକ୍ କିମ୍ବା ମିନି ଷ୍ଟେଟମେଣ୍ଟ ପାଇଁ ଆପ୍ ଡାଉନଲୋଡ କିମ୍ବା ଏଟିଏମ ଯିବାକୁ ପଡ଼ିବ ନାହିଁ ।
ଜୁଲାଇ ୧ରେ ଷ୍ଟେଟ ବ୍ୟାଙ୍କ ଅଧ୍ୟକ୍ଷ ଦିନେଶ ଖାରା ଏହି ହ୍ବାଟ୍ସଆପ ସେବା ଆରମ୍ଭ କରାଯିବା ସମ୍ପର୍କରେ ଘୋଷଣା କରିଥିଲେ । କିନ୍ତୁ କେବେ ଏହି ସେବା ଆରମ୍ଭ ହେବ ସେସମ୍ପର୍କରେ ସେ କୌଣସି ସୂଚନା ଦେଇନଥିଲେ ।
Your bank is now on WhatsApp. Get to know your Account Balance and view Mini Statement on the go.#WhatsAppBanking #SBI #WhatsApp #AmritMahotsav #BhimSBIPay pic.twitter.com/5lVlK68GoP
— State Bank of India (@TheOfficialSBI) July 19, 2022
କିପରି ପାଇବେ ଏସବିଆଇ ହ୍ବାଟ୍ସଆପ ବ୍ୟାଙ୍କିଙ୍ଗ୍ ସେବା ?
ଏହି ସେବା ପାଇବା ପାଇଁ ପ୍ରଥମେ ଷ୍ଟେଟ ବ୍ୟାଙ୍କ ସହ ପଂଜୀକୃତ ମୋବାଇଲ ନମ୍ବରରୁ WAREG ନିଜର ଆକାଉଣ୍ଟ ନମ୍ବର ଲେଖି 917208933148 କୁ ଏସଏମଏସ କରିବାକୁ ହେବ । ଏହା ମାଧ୍ୟମରେ ହ୍ବାଟ୍ସଆପ ସେବା ପାଇଁ ଆପଣ ବ୍ୟାଙ୍କ ସହ ପଂଜୀକରଣ କରିପାରେବେ ଓ ନିଜର ସମ୍ମତ୍ତି ଦେଇପାରିବେ ।
ଏହା ପରେ ଆପଣ ହ୍ବାଟ୍ସଆପ ମାଧ୍ୟମରେ +919022690226 ନମ୍ବରରେ ‘Hi’ ଲେଖି ଏକ ମେସେଜ ପଠାଇବାକୁ ପଡ଼ିବ । ଏହା ପରେ ଷ୍ଟେଟ ବ୍ୟାଙ୍କରୁ ଆପଣ ଏକ ଜବାବ (ଉତ୍ତର) ପାଇପାରିବେ । ଏହା ସହିତ ଆପଣଙ୍କ ହ୍ବାଟ୍ସଆପ ବ୍ୟାଙ୍କିଙ୍ଗ ସେବା ଆକ୍ଟିଭେଟ ହୋଇଯିବ ।