ଟେଲିକମ କମ୍ପାନିମାନଙ୍କ ପୁନର୍ବିଚାର ଆବେଦନ ସୁପ୍ରିମକୋର୍ଟରେ ଖାରଜ, ଜାନୁଆରି ୨୩ ସୁଦ୍ଧା ୧.୪୭ ଲକ୍ଷ କୋଟି ପୈଠ ପାଇଁ ନିର୍ଦ୍ଦେଶ
ନୂଆଦିଲ୍ଲୀ : ଭାରତୀୟ ଟେଲିକମ କମ୍ପାନିମାନେ ପୁଣି ଥରେ ସୁପ୍ରିମକୋର୍ଟରେ ନିରାଶ ହୋଇଛନ୍ତି । ସୁପ୍ରିମକୋର୍ଟ ଏହି କମ୍ପାନିମାନଙ୍କ ପୁନର୍ବିଚାର ଆବେଦନକୁ ଖାରଜ କରିବା ସହ ଆସନ୍ତା ଜାନୁଆରି ୨୩ ସୁଦ୍ଧା ବକେୟା ୧.୪୭ ଲକ୍ଷ କୋଟି ସରକାରଙ୍କୁ ପ୍ରଦାନ ପାଇଁ ନିର୍ଦ୍ଦେଶ ଦେଇଛନ୍ତି ।
ଜଷ୍ଟିସ ଅରୁଣ ମିଶ୍ର, ଜଷ୍ଟିସ ଏସଏ ନାଜିର ଓ ଜଷ୍ଟିସ ଏମଆର ଶାହାଙ୍କୁ ନେଇ ଗଠିତ ଖଣ୍ଡପୀଠ ଏହିପୁନର୍ବିଚାର ଆବେଦନକୁ ଖାରଜ କରିଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ଅକ୍ଟୋବର ମାସରେ ସୁପ୍ରିମକୋର୍ଟ ଏକ ରାୟ ପ୍ରଦାନକରି କହିଥିଲେ ଯେ ଟେଲିକମ କମ୍ପାନିର ମୋଟ ଆୟ (ଟେଲିକମ ଓ ଅଣଟେଲିକମ ରାଜସ୍ୱ) କୁ ଭିତ୍ତିକରି ହିଁ ବୈଧାନିକ ଦେୟ (ଲଇସେନ୍ସ ଫି, ଟିକସ, ସେସ ଇତ୍ୟାଦି) ନିର୍ଣ୍ଣୟ କରାଯିବ ।
ଟେଲିକମ ମନ୍ତ୍ରୀ ରବିଶଙ୍କର ପ୍ରସାଦ ଗତ ନଭେମ୍ବର ମାସରେ ଘୋଷଣା କରିଥିଲେ ଯେ ବିଭିନ୍ନ ଟେଲିକମ କମ୍ପାନିଙ୍କ ନିକଟରେ ସରକାରଙ୍କର ପ୍ରାୟ ୧ ଲକ୍ଷ ୪୭ ହଜାର କୋଟି ଟଙ୍କା ବକେୟା ରହିଛି ।
ଏହି ପୁନର୍ବିଚାର ଆବେଦନକୁ ଖାରଜ ଖାରଜ ହେବା ପରେ ଏକ କ୍ୟୁରେଟିଭ ପିଟିସନ ଦାଖଲ କରିବା ବିଷୟରେ ଏୟାରଟେଲ ଘୋଷଣା କରିଛି । ଏୟାରଟେଲ ସ୍ପେକ୍ଟ୍ରମ ଫି ବାବଦରେ ପ୍ରାୟ ୨୧,୬୮୨ କୋଟି ଟଙ୍କା ବକେୟା ରଖିଛି । ସେହିପରି ଭୋଡ଼ାଫୋନ ପ୍ରାୟ ୧୯,୮୨୩ କୋଟି ଟଙ୍କା ବକେୟା ରଖିଛି ।