ଷ୍ଟକ ବଜାରରେ ହ୍ରାସ, ସେନସେକ୍ସ ୨୬୯ ପଏଣ୍ଟ କମିଲା

ମୁମ୍ବାଇ : ଶୁକ୍ରବାର ଷ୍ଟକ ବଜାରରେ ହ୍ରାସ ପରିଲକ୍ଷିତ ହୋଇଛି। ବଜାରର ପ୍ରମୁଖ ସୂଚକାଙ୍କ ଗୁଡ଼ିକ ହ୍ରାସ ସହ ବନ୍ଦ ହୋଇଛି। ସେନ୍ସେକ୍ସ ୨୬୯ ପଏଣ୍ଟ ହ୍ରାସ ପାଇ ୭୭,୨୦୯ରେ ବନ୍ଦ ହୋଇଛି। ନିଫ୍ଟି ୬୫ ପଏଣ୍ଟ ହ୍ରାସ ପାଇ ୨୩,୫୦୧ରେ ବନ୍ଦ ହୋଇଛି। ବଜାରରେ ସବୁଠାରୁ ଅଧିକ ବିକ୍ରି ବ୍ୟାଙ୍କିଙ୍ଗ, ଅଟୋ, ଏଫଏମସିଜି କ୍ଷେତ୍ରରେ ରେକର୍ଡ କରାଯାଇଛି । ଆଇଟି, ମିଡିଆ ଓ ମେଟାଲ ସେକ୍ଟରରେ ଅଧିକ କ୍ରୟ ହୋଇଥିଲା। ନିଫ୍ଟିରେ ଅଲ୍ଟ୍ରାଟେକ୍ ସିମେଣ୍ଟ ଓ ଆଦାନୀ ଏଣ୍ଟରପ୍ରାଇଜେସ୍ ୨% ଲେଖାଏଁ ବନ୍ଦ ହୋଇଛି। ଭାରତୀ ଏୟାରଟେଲ୍ ଓ ଏଲ୍ ଆଣ୍ଡ୍ ଟି ମାଇଣ୍ଡଟ୍ରିର ସେୟାର ୧% ଲେଖାଏଁ ବୃଦ୍ଧି ପାଇଛି। ଗୁରୁବାର ସେନ୍ସେକ୍ସ କ୍ରମାଗତ ସପ୍ତମ ଦିନ ପାଇଁ ବୃଦ୍ଧିସହ ବନ୍ଦ ହୋଇଥିଲା। ଏହି ସୂଚକାଙ୍କ ୧୪୧ ପଏଣ୍ଟ ବୃଦ୍ଧି ସହ ୭୭,୪୭୮ରେ ବନ୍ଦ ହୋଇଥିଲା।

ବମ୍ବେ ଷ୍ଟକ ଏକ୍ସଚେଞ୍ଜ (ବିଏସଇ)ରେ କାରବାର ହୋଇଥିବା ୩,୯୮୭ ସେୟାର ମଧ୍ୟରୁ ୧,୭୮୬ ସେୟାର ବୃଦ୍ଧି ପାଇଥିବା ବେଳେ ୨,୦୮୧ ସେୟାର ହ୍ରାସ ପାଇଥିବା ବେଳେ ବାକି ୧୨୦ ଟି ସେୟାର ଅପରିବର୍ତ୍ତିତ ରହିଛି । ବିଏସଇରେ ମାତ୍ର ଗୋଟିଏ ଦିନରେ ୨୭୯ଟି ଷ୍ଟକ ୫୨ ସପ୍ତାହର ସର୍ବୋଚ୍ଚ ସ୍ତରରେ ପହଞ୍ଚିଥିବା ବେଳେ ମାତ୍ର ୯ଟି ଷ୍ଟକରେ ୫୨ ସପ୍ତାହର ସର୍ବନିମ୍ନ ସ୍ତର ଦେଖିବାକୁ ମିଳିଛି।

 

ସମ୍ବନ୍ଧିତ ଖବର