ବଜେଟ୍ ଘୋଷଣା ପରେ ଷ୍ଟକ ବଜାରରେ ଉତ୍ସାହ, ସେନସେକ୍ସ ୨୩୧୫ ପଏଣ୍ଟ ବୃଦ୍ଧି
ମୁମ୍ବାଇ : କେନ୍ଦ୍ର ସରକାରଙ୍କ ନୂଆ ବଜେଟକୁ ସ୍ବାଗତ କରିଛି ଷ୍ଟକ ବଜାର । ସେନସେକ୍ସ ଆଜି ୨୩୧୪.୮୪ ପଏଣ୍ଟ ବୃଦ୍ଧି ସହ ୪୮୬୦୦.୬୧ ପଏଣ୍ଟରେ ବନ୍ଦ ହୋଇଥିବାବେଳେ ନିଫଟୀ ୬୪୬.୬୧ ପଏଣ୍ଟ ବୃଦ୍ଧି ପାଇ ୧୪,୨୮୧ ପଏଣ୍ଟରେ ବନ୍ଦ ହୋଇଛି । ଯେକୌଣସି ବଜେଟ ଦିନରେ ଏହା ହେଉଛି ସେନସେକ୍ସରେ ସର୍ବାଧିକ ବୃଦ୍ଧି । ନିର୍ମଳାଙ୍କ ବିଗତ ଦୁଇ ବଜେଟ ଘୋଷଣା ଦିନ ଷ୍ଟକ ବଜାରରେ ହ୍ରାସ ଦେଖାଦେଇଥିଲା ।
Sambad is now on WhatsApp
Join and get latest news updates delivered to you via WhatsApp
ନିଜ ବଜେଟରେ ଅର୍ଥମନ୍ତ୍ରୀ ସ୍ବାସ୍ଥ୍ୟସେବା କ୍ଷେତ୍ର, ଭିତ୍ତିଭୂମି, କୃଷି, ଅଟୋମୋବାଇଲ୍ସ, ବ୍ୟାଙ୍କିଙ୍ଗ ଆଦି କ୍ଷେତ୍ର ଉପରେ ବିଶେଷ ଗୁରୁତ୍ବ ଦିଆଯାଇଛି । ସରକାର ଘୋଷଣା କରିଥିବା ପୁରୁଣା ଯାନବାହାନ ବଦଳ ନୀତି ଯୋଗୁଁ ଅଟୋମୋବାଇଲ ଶିଳ୍ପରେ ଚାହିଦା ବୃଦ୍ଧି ପାଇବ । ଏହା ଫଳରେ ଅଟୋମୋବାଇଲ ଷ୍ଟକ ଗୁଡ଼ିକରେ ବୃଦ୍ଧି ଦେଖାଦେଇଛି । ସେହିପରି ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକରେ ୨୨ ହଜାର କୋଟିର ପୁଞ୍ଜିଭର୍ତ୍ତି ଘୋଷଣା ଦ୍ବାରା ବ୍ୟାଙ୍କିଙ୍ଗ୍ ଷ୍ଟକ ଗୁଡ଼ିକରେ ବୃଦ୍ଧି ଦେଖାଦେଇଛି । କୃଷି ଓ ଭିତ୍ତିଭୂମି ଉପରେ ଗୁରୁତ୍ବ ଟ୍ରାକ୍ଟର ଓ କୃଷି ଉପକରଣ କମ୍ପାନିଙ୍କ ପାଇଁ ସକାରାତ୍ମକ ରହିଛି । ଅନ୍ୟପକ୍ଷରେ ବିଭିନ୍ନ ସାମାଜିକ କ୍ଷେତ୍ରରେ ବ୍ୟୟବରାଦ ବୃଦ୍ଧି ଯୋଗୁଁ ତାହା ସାମଗ୍ରିକ ଭାବେ ଚାହିଦା ବୃଦ୍ଧି କରିବ ।