ଷ୍ଟାର୍ଟଅପ ଗୁଡ଼ିକୁ ସହାୟତା ପାଇଁ ଏସଟିପିଆଇ ଭୁବନେଶ୍ବର ପକ୍ଷରୁ ନେକ୍ସଟ୍ ଜେନେରେସନ୍ ଇନକୁବେସନ ସ୍କିମ୍ ଆରମ୍ଭ
ଭୁବନେଶ୍ୱର: ଏସଟିପିଆଇ-ଭୁବନେଶ୍ୱର ପକ୍ଷରୁ ନେକ୍ସଟ୍ ଜେନେରେସନ ଇନକୁବେସନ ସ୍କିମ୍ (ଏନଜିଆଇଏସ୍) ଆଉଟରିଚ ୱେବିନାର ଅନୁଷ୍ଠିତ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ ଏସଟିପିଆଇ ଭୁବନେଶ୍ୱରର ମହାନିର୍ଦ୍ଦେଶକ ଡକ୍ଟର ଓଁକାର ରାୟ କହିଛନ୍ତି ଯେ, “ଭାରତକୁ ଏକ ସଫଟଓୟାର ହବରେ ପରିଣତ ହେବା ଲାଗି ଏନଜିଆଇଏସ୍ ଓ ଏସଟିପିଆଇ ସିଓଇ ଜରୁରୀ । ଏନଜିଆଇଏସ୍ ହେଉଛି ଭବିଷ୍ୟତ ପାଇଁ ଉପଯୋଗୀ ଥିବା ଏକ ଇନକୁବେସନ ସ୍କିମ୍ ଯାହା ସାରା ଦେଶରେ ଥିବା ବିଭିନ୍ନ ପ୍ରକାର ଏସଟିପିଆଇ ଇନକୁବେସନଗୁଡ଼ିକରେ ପ୍ରଯୁକ୍ତି ଷ୍ଟାର୍ଟଅପଗୁଡ଼ିକୁ ବ୍ୟାପକ ସହାୟତା ଓ ସେବା ପ୍ରଦାନ କରୁଛି । ଏହି ସ୍କିମର ଲକ୍ଷ୍ୟ ହେଉଛି ୩୦୦ ପର୍ଯ୍ୟନ୍ତ ଷ୍ଟାର୍ଟଅପ/ଉଦ୍ୟୋଗୀଙ୍କୁ ଇନକୁବେସନ ସହିତ, ଫାଇନାନ୍ସ/ସିଡ ଫଣ୍ଡିଂ, ମେଣ୍ଟରସିପ ସହାୟତା ଆଦିକୁ ସର୍ବଭାରତୀୟ ପ୍ରତିଭାର ଭଣ୍ଡାର ଏବଂ ଉଦ୍ୟୋଗୀ ପ୍ଲାଟଫର୍ମ ଜରିଆରେ ପ୍ରଦାନ କରିବା ଯାହା ଉଦୀୟମାନ ଷ୍ଟାର୍ଟଅପଗୁଡ଼ିକ ମଧ୍ୟରେ ନେଟୱର୍କିଂ, ଜ୍ଞାନ ବଣ୍ଟନ ଓ ସହ-ଶିକ୍ଷା ଗ୍ରହଣ ଓ ଇଣ୍ଟର୍ଣ୍ଣସିପ ଅନୁଦାନ ପ୍ରଦାନ କରିବ ।’’
ଏଜିଆଇଏସକୁ ଉନ୍ମୋଚନ କରିବା ଲାଗି ଭୁବନେଶ୍ୱରକୁ ଚୟନ କରାଯାଇଥିବାରୁ ମାନସ ପଣ୍ଡା, ନିର୍ଦେଶକ, ଏସଟିପିଆଇ-ଭୁବନେଶ୍ୱର ଭାରତ ସରକାର ଓ ଏସଟିପିଆଇକୁ ଧନ୍ୟବାଦ ଜଣାଇଛନ୍ତି । ନବେ ଦଶକରେ ପ୍ରଥମ ଏସଟିପିଆଇ ସ୍ଥାପନର ସଫଳତାକୁ ଭୁବନେଶ୍ୱର ଦୋହରାଇବ । ଭୁବନେଶ୍ୱରର ବିଭିନ୍ନ ଦୃଢ଼ତା ଓ ସୁଯୋଗକୁ ସେ ବିସ୍ତୃତ ଭାବେ ବର୍ଣ୍ଣନା କରିଥିଲେ । ଏନଜିଆଇଏସର ଲାଭ ଉଠାଇବା ଲାଗି ସେ ଷ୍ଟାର୍ଟଅପ୍ ଓ ଇନୋଭେଟରମାନଙ୍କୁ ଆହ୍ୱାନ ଦେଇଥିଲେ । ଭୁବନେଶ୍ୱର ସମେତ ଦେଶର ୧୨ଟି ସ୍ଥାନରେ ଏନଜିଆଇଏସକୁ ଉନ୍ମୋଚନ କରାଯାଇଛି ।
ନେକ୍ସଟ ଜେନେରେସନ୍ (ପରବର୍ତ୍ତୀ ପିଢ଼ି)ର ଷ୍ଟାର୍ଟଅପ୍ ଚ୍ୟାଲେଞ୍ଜରେ ଏଡୁ-ଟେକ୍, ଏଗ୍ରି-ଟକ୍, ଫିନ-ଟେକ୍, ଯୋଗାଣ ଶୃଙ୍ଖଳା, ଲଜିଷ୍ଟିକ୍ସ ଓ ପରିବହନ ପରିଚାଳନା, ଭିତ୍ତିଭୂମି ଓ ରିମୋଟ ମନିଟରିଂ, ମେଡିକାଲ୍ ସ୍ୱାସ୍ଥ୍ୟ ସେବା, ପ୍ରତିଷେଧମୂଳକ ଓ ମନୋବିଜ୍ଞାନ ଯତ୍ନ, ଡାଏଗ୍ନୋଷ୍ଟିକ୍ସ, ନିଯୁକ୍ତି ଓ ପ୍ରଶିକ୍ଷଣ, ଭାଷାଗତ ଉପକରଣ ଏବଂ ପ୍ରଯୁକ୍ତି ଉପରେ ଗୁରୁତ୍ୱାରୋପ କରାଯାଇଛି । ଏଥିରେ ଯେଉଁ ଷ୍ଟାର୍ଟଅପ୍ ସଂସ୍ଥାଗୁଡ଼ିକ ଚୟନ ହେବେ ସେମାନଙ୍କୁ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ସିଡ୍ ପାଣ୍ଠି ଦିଆଯିବ ଏବଂ ପ୍ରି ଇନକୁବେସନ ପ୍ରୋଗ୍ରାମରେ ଚୟନ କରାଯିବାକୁ ଥିବା ଷ୍ଟାର୍ଟଅପ୍ଗୁଡ଼ିକୁ ମାସିକ ୧୦ ହଜାର ଟଙ୍କା ଲେଖାଏଁ ଦିଆଯିବ । କେନ୍ଦ୍ର ସରକାରଙ୍କ ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରଣାଳୟ ଦ୍ୱାରା ଏନଜିଆଇଏସ୍ ଘୋଷଣା କରାଯାଇଛି ଯାହାକୁ ଏସଟିପିଆଇ କାର୍ଯ୍ୟକାରୀ କରୁଛି ।