ସ୍ୱାସ୍ଥ୍ୟ ଉପରେ ଗବେଷଣା ବାବଦରେ ଖର୍ଚ୍ଚ ହେଉଥିବା ଅର୍ଥରାଶିରୁ ଅଧିକ ଦରମା ପାଆନ୍ତି ଗୁଗୁଲ ସିଇଓ
ନୂଆଦିଲ୍ଲୀ: ଗୁଗୁଲ ସିଇଓ ତଥା ମୂଳ ଭାରତୀୟ ଭାବେ ଜଣାଶୁଣା ସୁନ୍ଦର ପିଚାଇଙ୍କ ବାବଦରେ ଏକ ନୂଆ ତଥ୍ୟ ସାମ୍ନାକୁ ଆସିଛି | ଭାରତରେ ସ୍ୱାସ୍ଥ୍ୟ ବାବଦରେ ଗବେଷଣା ହେଉଥିବା ବ୍ୟୟ ବରାଦ ଠାରୁ ସୁନ୍ଦର ଅଧିକ ଦରମା ପାଉଥିବାର ଜଣାପଡିଛି | ଆଲଫାବେଟ୍ ଇଙ୍କର ତଥ୍ୟ ଅନୁସାରେ ସୁନ୍ଦର ପିଚାଇଙ୍କୁ ୨୦୧୯ ମସିହାରେ ବାର୍ଷିକ ୨୧୪୪ କୋଟି ଟଙ୍କା ଦରମା ପାଇଛନ୍ତି |ସୁନ୍ଦର ଗୁଗୁଲର ସିଇଓ ଥିବାବେଳେ ଆଲଫାବେଟ୍ ଇଙ୍କ ହେଉଛି ଗୁଗୁଲର ପ୍ୟାରେଣ୍ଟ୍ କମ୍ପାନୀ ।
Sambad is now on WhatsApp
Join and get latest news updates delivered to you via WhatsApp
ଦୁନିଆର ସର୍ବୋଚ୍ଚ ବେତନ ସିଇଓ ସୁନ୍ଦର ପିଚାଇ ପାଉଥିବାବେଳେ ସେ ଯେତିକି ବେତନ ପାଇଛନ୍ତି, ଭାରତ ସରକାର ସ୍ୱାସ୍ଥ୍ୟ ଅନୁସନ୍ଧାନ ପାଇଁ ପ୍ରତିବର୍ଷ ତାହା ଠାରୁ କମ ଖର୍ଚ୍ଚ କରୁଛନ୍ତି। ଭାରତ ସରକାର ୨୦୨୦-୨୧ ରେ ସ୍ୱାସ୍ଥ୍ୟ ଅନୁସନ୍ଧାନ ଉପରେ ୨୧୨୨ କୋଟି ଟଙ୍କା ବଜେଟ୍ ସ୍ଥିର କରିଛନ୍ତି। ଏଥିମଧ୍ୟରୁ ୮୫ ପ୍ରତିଶତ ଭାରତୀୟ ପରିଷଦ ମେଡିକାଲ ରିସର୍ଚ୍ଚ (ଆଇସିଏମଆର) କୁ ଦିଆଯାଇଛି।
ଏହି ଅନୁଷ୍ଠାନ କର୍କଟ, ହୃଦଘାତ, ମଧୁମେହ ସମେତ ସମସ୍ତ ରୋଗ ଉପରେ ଗବେଷଣା କରିଥାଏ | କରୋନା ଉପରେ ମଧ୍ୟ ସମାନ ଅନୁଷ୍ଠାନ ଅନୁସନ୍ଧାନରେ ଜଡିତ ଅଛି | ସୁନ୍ଦର ପିଚାଇଙ୍କ ବିଷୟରେ ଆଲଫାବେଟ୍ ସୂଚନା ଦେଇଛି ଯେ ଚଳିତ ବର୍ଷ ତାଙ୍କର ଦରମା ୨ ମିଲିୟନ୍ ଡଲାର୍ (୧୫.୨୬ କୋଟି ଟଙ୍କା) କୁ ବୃଦ୍ଧି ପାଇବ।