ମାତ୍ର ଏତିକି ଟଙ୍କା ଖର୍ଚ୍ଚ କରି ଆପଣଙ୍କ କାରରେ ଲଗାଇପାରିବେ ସନରୁଫ!
ସାଧାରଣ କାର ପାଲଟିଯିବ ଦାମୀ କାର
ନୂଆଦିଲ୍ଲୀ: ଏବେ ଭାରତରେ ଦିନକୁ ଦିନ ସନରୁଫ ଥିବା କାରଗୁଡିକର ଚାହିଦା ଦ୍ରୁତ ଗତିରେ ବୃଦ୍ଧି ପାଉଛି | ବିଶେଷକରି ଯୁବକମାନେ ଏଭଳି କାରକୁ ଅଧିକ ପସନ୍ଦ କରୁଛନ୍ତି | ଅଧିକାଂଶ କମ୍ପାନି ଟପ ମଡେଲରେ ସନରୁଫ ପ୍ରଦାନ କରୁଥିବାବେଳେ ବିଶେଷଜ୍ଞଙ୍କ କହିବା ମୁତାବକ ସନରୁଫ ଦେବା ଦ୍ୱାରା କାରର ମୂଲ୍ୟ ସାଧାରଣ କାର ମୂଲ୍ୟଠାରୁ ବଢ଼ିଯାଇଥାଏ | ତେବେ ଯଦି ଆପଣଙ୍କ ପାଖରେ ଏକ ପୁରୁଣା କାର ରହିଛି ଓ ଆପଣ ଏହାକୁ ନ ବଦଳାଇ ସନରୁଫ ଲଗାଇବାକୁ ଚାଁହୁଛନ୍ତି, ତେବେ ମାତ୍ର ୩୦ ହଜାର ଟଙ୍କା ଖର୍ଚ୍ଚ କରି ଆପଣ ଏହା କରିପାରିବେ | ଅର୍ଥାତ ଯଦି ଆପଣଙ୍କର ଅଲ୍ଟୋ, ଏସ୍- ପ୍ରେସୋ, ୱାଗନ୍ଆର୍, ସ୍ବିଫ୍ଟ, କ୍ୱିଡ୍ କିମ୍ବା କୌଣସି ସାଧାରଣ କାର୍ ଅଛି, ତେବେ ଆପଣ ଏଥିରେ ସନରୁଫ ଲଗାଇପାରିବେ |
Sambad is now on WhatsApp
Join and get latest news updates delivered to you via WhatsApp
ତେବେ ଯଦି ଆପଣ କୌଣସି କାର ଡିଲରଙ୍କ ପାଖରେ ନେଇ କାର କମ୍ପାନିର ସନରୁଫ ଲଗାଇବେ ତେବେ ଆପଣଙ୍କୁ ୮୦ରୁ ୯୦ ହଜାର ଟଙ୍କା ଖର୍ଚ୍ଚ କରିବାକୁ ପଡିପାରେ | ଏବେ ଆସନ୍ତୁ ଜାଣିବା ଏକ ସାଧାରଣ କାରରେ କିଭଳି ସନରୁଫ ଲଗାଯିବ | ପ୍ରଥମେ ସନରୁଫ କେଉଁଠାରେ ରହିବ ତାହାର ମାର୍କିଂ କରାଯାଏ | ଏହା ପରେ କାରର ଛାତ ସିଟକୁ ସନରୁଫ ଆକାରରେ କଟାଯାଇଥାଏ | ତାପରେ ସନରୁଫର କଟି ସିଟ୍ ଚାରିପାଖରେ ଗ୍ରିପ ଲଗାଯାଇ ସିଲ କରାଯାଏ | ଯେଭଳି ବର୍ଷା ପାଣି ଏହା ଦେଇ ଭିତରକୁ ନ ପଶିବ ସେଥିପ୍ରତି ଦୃଷ୍ଟି ଦିଆଯାଏ |
ବର୍ତ୍ତମାନ ଦିଲ୍ଲୀ ସହ ମୁମ୍ବାଇ, ବାଙ୍ଗାଲୋର, କୋଲକାତାରେ ମୁଖ୍ୟତଃ ଏଭଳି ସନରୁଫ ଲଗାଯାଉଥିବାବେଳେ ଏହାକୁ ଲଗାଇବାକୁ କରିବାକୁ ୪ ରୁ ୫ ଘଣ୍ଟା ସମୟ ଲାଗେ | ସାଧାରଣତଃ ସନରୁଫର ମୂଲ୍ୟ ୨୨୦୦୦ ଟଙ୍କା ହୋଇଥିବାବେଳେ ଲେବର ଚାର୍ଜ ୮ ହଜାର ଟଙ୍କା ନିଆଯାଇଥାଏ | ଅର୍ଥାତ ସନରୁଫ ସ୍ଥାପନ କରିବା ପାଇଁ ୩୦ ହଜାର ଟଙ୍କା ପର୍ଯ୍ୟନ୍ତ ଖର୍ଚ୍ଚ ହୋଇଥାଏ | ଏହି ଉପାୟରେ, ଆପଣ ମାତ୍ର ୩୦ ହଜାରରେ ଲକ୍ଷ ଲକ୍ଷ ମୂଲ୍ୟର କାରରେ ସନରୁଫ ଲଗାଇପାରିବେ |