ହୁରୁନ୍ ଧନୀ ତାଲିକାରେ ତାରାରଞ୍ଜନ ପଟ୍ଟନାୟକ

ଭୁବନେଶ୍ବର: ଫ‌ା‌ଲ୍‌କନ୍ ମେରାଇନ୍ ଆଣ୍ଡ୍ ଏକ୍ସପୋର୍ଟସ୍‌ର ପ୍ରତିଷ୍ଠାତା ତାରାରଞ୍ଜନ ପଟ୍ଟନାୟକ ଓ ତାଙ୍କ ପରିବାରକୁ ହୁରୁନ୍ ଭାରତ ଧନୀ ତାଲିକା ୨୦୨୪ରେ ସ୍ଥାନ ମିଳିଛି। ସେ ତାଲିକାର ୫୪୦ତମ ସ୍ଥାନରେ ରହିଛନ୍ତି। ତାଙ୍କ ସମ୍ପତ୍ତି ୪୯୦୦ କୋଟି ଟଙ୍କା ଥିବା ଆକଳନ କରାଯାଇଛି। ଫାଲ୍‌କନ୍ ଗ୍ରୁପ୍‌ ହେଉଛି ଏକ ୪୦ ବର୍ଷ ପୁରୁଣା କମ୍ପାନି ହେଉଛି ଦେଶର ସର୍ବବୃହତ ସମନ୍ବିତ ସିଫୁଡ୍‌ ରପ୍ତାନିକାରୀ। ଏହା ବିଶ୍ବର ବିଭିନ୍ନ ଦେଶକୁ ସିଫୁଡ୍‌ ରପ୍ତାନି କରୁଛି।

 ଫାଲ୍‌କନ୍ ଗ୍ରୁପ୍ ଅଧୀନରେ ସିଫୁଡ୍‌, ପଶୁ ଖାଦ୍ୟ, ଫ୍ରେଞ୍ଚ ଫ୍ରାଇଜ୍‌, ଟ୍ରେଡିଂ ଓ ରିଅଲ ଇଷ୍ଟେଟ୍ ବ୍ୟବସାୟ ପରିଚାଳିତ ହେଉଛି। ପ୍ରତିଟି ସଂସ୍ଥା ଓଡ଼ିଶା, ଆନ୍ଧ୍ରପ୍ରଦେଶ, ଗୁଜରାଟ ଓ ଦୁବାଇରେ ନିଜ ନିଜ କ୍ଷେତ୍ରରେ ପ୍ରତିଷ୍ଠିତ କମ୍ପାନି ଭାବେ କାର୍ଯ୍ୟ କରୁଛନ୍ତି। ରୁପେର୍ଟ ହୋଗୱେର୍ଫଙ୍କ ଦ୍ବାରା ପ୍ରତିଷ୍ଠା କରାଯାଇଥିବା ହୁରୁନ୍ ବିଶ୍ବବ୍ୟାପୀ ବ୍ୟାପକ ପରିସଂଖ୍ୟାନ ରିପୋର୍ଟ ଜାରି କରୁଛି। ଏହି ରିପୋର୍ଟରେ ହୁରୁନ୍ ପକ୍ଷରୁ ଆଦାନି ଓ ଅମ୍ବାନିଙ୍କ ଭଳି ଧନୀ ଥିବା ଏଲାଇଟ୍‌ ବର୍ଗରେ ଶ୍ରୀ ପଟ୍ଟନାୟକଙ୍କୁ ସାମିଲ କରିଛି ଯାହା ରାଜ୍ୟ ପାଇଁ ଗୌରବ ବିଷୟ।