ବିକ୍ରି କମୁଛି, ୪ ଦିନ ପାଇଁ କାରଖାନା ବନ୍ଦ କରିବ ଟାଟା ମୋଟର୍ସ
ଜାମସେଦପୁର : ଭାରତୀୟ ଅଟୋମୋବାଇଲ ଶିଳ୍ପ ଏବେ ଗତ ୨୦ ବର୍ଷରେ ସବୁଠାରୁ ଖରାପ ସମୟର ସମ୍ମୁଖୀନ ହେଉଛି । ବଜାରରେ ଚାହିଦା ନଥିବାରୁ ପ୍ରାୟ ସବୁ କମ୍ପାନିଙ୍କ ବିକ୍ରି ହ୍ରାସ ପାଇଚାଲିଛି । ବଜାରରେ ଚାହିଦା ନଥିବାରୁ ଉତ୍ପାଦନ ମଧ୍ୟ କମାଇଚାଲିଛନ୍ତି ବିଭିନ୍ନ କମ୍ପାନି । ଦେଶର ପ୍ରମୁଖ ଯାନବାହାନ ନିର୍ମାତା କମ୍ପାନି ଟାଟା ମୋଟର୍ସ ପକ୍ଷରୁ ପୁଣି ଥରେ ଉତ୍ପାଦନ ବନ୍ଦ ପାଇଁ ନିଷ୍ପତ୍ତି ନିଆଯାଇଛି । ଅଗଷ୍ଟ ୧୬ରୁ ୪ ଦିନ ପାଇଁ କମ୍ପାନି ନିଜର ଉତ୍ପାଦନ ବନ୍ଦ କରିବ । ଚଳିତ ମାସରେ ୩ୟ ଥର ପାଇଁ କମ୍ପାନି ଉତ୍ପାଦନ ବନ୍ଦ କରିବାକୁ ଯାଉଛି । ପୂର୍ବରୁ ଅଗଷ୍ଟ ୧ ଓ ଅଗଷ୍ଟ ୮-୧୦ରେ କମ୍ପାନି ଉତ୍ପାଦନ ବନ୍ଦ କରିଥିଲା । ଜୁଲାଇ ମାସରେ ଟାଟା ମୋଟର୍ସର ଗ୍ରୁପ ଗ୍ଲୋବାଲ ହୋଲସେଲ୍ସ ପ୍ରାୟ ୧୪ ପ୍ରତିଶତ ହ୍ରାସ ପାଇଛି । ଏକକ ଭାବେ ଟାଟା ମୋଟର୍ସର ବିକ୍ରି ଜୁଲାଇ ମାସରେ ୩୧ ପ୍ରତିଶତ ହ୍ରାସ ପାଇଛି ।
Sambad is now on WhatsApp
Join and get latest news updates delivered to you via WhatsApp
ସାମଗ୍ରୀକ ଭାବେ ଜୁଲାଇ ମାସରେ ଭାରତରେ କାର ବିକ୍ରି ପରିମାଣ ୩୦.୯୮ ପ୍ରତିଶତ ହ୍ରାସ ପାଇ ୨୦୦,୭୯୦ ରେ ପହଞ୍ଚିଛି । ସେହିପରି ବାଣିଜ୍ୟିକ ଯାନ ବିକ୍ରି ୨୫.୭୧ ପ୍ରତିଶତ ହ୍ରାସ ପାଇ ୫୬,୮୬୬ ରେ ପହଞ୍ଚିଛି ବୋଲି ଭାରତୀୟ ଅଟୋମୋବାଇଲ ସଂଘ (ସିଆମ) ପକ୍ଷରୁ କୁହାଯାଇଛି ।