ସୁରକ୍ଷାକୁ ନେଇ ମାରୁତି ସୁଜୁକି ସ୍ୱିଫ୍ଟକୁ ଟ୍ରୋଲ କଲା ଟାଟା ମୋଟର୍ସ
ନୂଆଦିଲ୍ଲୀ: ଟାଟା ମୋଟର୍ସ ଏହାର ନିକଟତମ ପ୍ରତିଦ୍ୱନ୍ଦ୍ୱୀ ମାରୁତି ସୁଜୁକିକୁ ସୋସିଆଲ ମିଡିଆରେ ଟ୍ରୋଲ କରିବାର କୌଣସି ବି ମଉକା ଛାଡ଼ିନଥାଏ | ଏଥର ଲାଟିନ୍ ଏନକାପ୍ କ୍ରାସ୍ ଟେଷ୍ଟରେ ମାରୁତି ସୁଜୁକି ସ୍ୱିଫ୍ଟ ଶୂନ ମୂଲ୍ୟାୟନ ପାଇବା ପରେ ଏଥର ଟାଟା ମୋଟର୍ସ ମାରୁତି ସ୍ୱିଫ୍ଟକୁ ଟ୍ରୋଲ କରିଛି | କମ୍ପାନୀର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ଦ୍ୱାରା ଏକ ପୋଷ୍ଟ ପ୍ରସ୍ତୁତ କରାଯାଇଥିଲା, ଯେଉଁଥିରେ ଏକ ଫଟୋ ସେୟାର କରି କୁହାଯାଇଥିଲା ଯେ “ସୁରକ୍ଷା ସହିତ ଜୁଆ ଖେଳ ନାହିଁ” ।
Sambad is now on WhatsApp
Join and get latest news updates delivered to you via WhatsApp
ଟାଟା ମୋଟର୍ସ ପକ୍ଷରୁ ସ୍ୱିଫ୍ଟର ଇଂରାଜୀ ଅକ୍ଷର(SWIFT)କୁ ବଦଳାଇ (SIWTF) ଭାବରେ ପୋଷ୍ଟ କରିଥିଲା | ତେବେ କିଛି ସମୟ ପରେ ଏହି ପୋଷ୍ଟକୁ ଡିଲିଟ୍ ମଧ୍ୟ କରାଯାଇଛି | କିନ୍ତୁ ଏହି ପୋଷ୍ଟ ଭାଇରାଲ ହେବା ପରେ ୟୁଜର୍ସ ଏହାକୁ ନେଇ ମଜା ଉଡାଇଛନ୍ତି | ସୂଚନା ଥାଉ କି ଯେ ଅତୀତରେ, ମାରୁତି ସ୍ୱିଫ୍ଟ ଲାଟିନ୍ ଏନକାପ୍ କ୍ରାସ୍ ଟେଷ୍ଟରେ ଶୂନ ମୂଲ୍ୟାୟନ ପାଇଥିଲା | ଏହି କ୍ରାସ୍ ଟେଷ୍ଟରେ ଯେଉଁ ଭାରିଆଣ୍ଟକୁ ସାମିଲ କରାଯାଇଥିଲା, ସେଥିରେ ଦୁଇଟି ଏୟାରବ୍ୟାଗ୍ ଦିଆଯାଇଥିଲା |
ଲାଟିନ୍ ଏନକାପ୍ କ୍ରାସ୍ ପରୀକ୍ଷଣରେ ଡ଼ିଜାୟର ମଧ୍ୟ ଶୂନ୍ୟ ମୂଲ୍ୟାୟନ ପାଇଛି | ଏହି କ୍ରାସ୍ ଟେଷ୍ଟରେ, ସ୍ୱିଫ୍ଟକୁ ବୟସ୍କଙ୍କ ସୁରକ୍ଷା ପାଇଁ ୬.୨୧ ପଏଣ୍ଟ, ଶିଶୁ ସୁରକ୍ଷା ପାଇଁ ୦ ପଏଣ୍ଟ, ପଥଚାରୀଙ୍କ ସୁରକ୍ଷା ପାଇଁ ୩ ପଏଣ୍ଟ ପାଇଛି | ଏଥି ସହିତ ଟାଟା ମୋଟର୍ସ ଏହାର ଟ୍ୱିଟରେ ନିଜର ହ୍ୟାଚବ୍ୟାକ୍ କାର ଟିଆଗୋକୁ ପ୍ରୋତ୍ସାହିତ କରିଛି, ଯାହା ଗ୍ଲୋବାଲ ଏନସିଏପି କ୍ରାସ୍ ପରୀକ୍ଷଣରେ ୪ ତାରକା ମୂଲ୍ୟାୟନ ପାଇଛି।