ଆସନ୍ତା ବର୍ଷଠାରୁ ଛୋଟ ଡିଜେଲ କାର ବିକିବ ନାହିଁ ଟାଟା ମୋଟର୍ସ
ନୂଆଦିଲ୍ଲୀ : କେବଳ ମାରୁତି-ସୁଜୁକୀ ନୁହେଁ, ଦେଶର ଆଉଏକ ପ୍ରମୁଖ ଅଟୋମୋବାଇଲ କମ୍ପାନି ଟାଟା ମୋଟର୍ସ ମଧ୍ୟ ଆସନ୍ତା ବର୍ଷ ଅର୍ଥାତ ୨୦୨୦ରୁ ନିଜର ଛୋଟ ଡିଜେଲ କାର ଉତ୍ପାଦନ ଧୀରେ ଧୀରେ ବନ୍ଦ କରିଦେବ । ଆସନ୍ତା ବର୍ଷଠାରୁ ଦେଶରେ ବିଏସ-୬ ପ୍ରଦୂଷଣ ନିୟମ ଲାଗୁ ହେବାକୁ ଥିବାବେଳେ ଏହି ମାନଦଣ୍ଡକୁ ପାଳନ କରି ଡିଜେଲ ମଡେଲ ଛାଡିବା ବେଶ ମହଙ୍ଗା ହୋଇଯିବ ବୋଲି କମ୍ପାନି ମନେ କରୁଛି । କମ୍ପାନି ଏବେ ଟିଗୋର, ଟିଆଗୋ, ବୋଲଟ, ଜେଷ୍ଟ ପରି ଡିଜେଲ ମଡେଲ ବିକ୍ରି କରୁଛି । ଏଣୁ ଏହି ମଡେଲଗୁଡିକ ଆସନ୍ତା ୨୦୨୦ ଏପ୍ରିଲ ପରଠାରୁ ଆଉ ଉତ୍ପାଦନ ହେବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଗତ ଏପ୍ରିଲ ୨୫ରେ ଦେଶର ସବୁଠୁ ଅଧିକ କାର ବିକ୍ରି କରୁଥିବା କମ୍ପାନି ମାରୁତି ସୁଜୁକୀ ଘୋଷଣା କରିଥିଲା ଯେ ଆସନ୍ତା ୨୦୨୦ ଏପ୍ରିଲ ୧ ପରଠାରୁ ଆଉ କୌଣସି ଡିଜେଲ କାର ବିକ୍ରି କରିବ ନାହିଁ । ଏ ସଂପର୍କରେ କମ୍ପାନିର ଅଧ୍ୟକ୍ଷ ଆରସି ଭାର୍ଗବ ଘୋଷଣା କରିଥିଲେ। ଏବେ କମ୍ପାନି ବିକ୍ରି କରୁଥିବା କାର ମଧ୍ୟରୁ ୨୩ ପ୍ରତିଶତ ହେଉଛି ଡିଜେଲ କାର ।