ବୈଷୟିକ ତ୍ରୁଟି : ଷ୍ଟେଟ୍ ବ୍ୟାଙ୍କର କୋର୍ ବ୍ୟାଙ୍କିଙ୍ଗ୍ ସେବା ପ୍ରଭାବିତ
ମୁମ୍ବାଇ : ଦେଶର ବୃହତ୍ତମ ବାଣିଜ୍ୟିକ ବ୍ୟାଙ୍କ ଷ୍ଟେଟ ବ୍ୟାଙ୍କରେ ଆଜି କେତେକ ବୈଷୟିକ ତ୍ରୁଟି ଯୋଗୁଁ କୋର ବ୍ୟାଙ୍କିଙ୍ଗ ସେବା ଗୁରୁତରଭାବେ ପ୍ରଭାବିତ ହୋଇଛି । ଏହା ଦ୍ୱାରା ସାଧାରଣ ବ୍ୟାଙ୍କ ନେଣଦେଣ ଓ ଅନଲାଇନ ବ୍ୟାଙ୍କିଙ୍ଗ ସେବା ବ୍ୟାହତ ହୋଇଛି । ତେବେ ଏଟିଏମ୍ ଓ ପିଓଏସ୍ (ପଏଣ୍ଟସ ଅଫ ସର୍ଭିସ) ସେବା ପ୍ରଭାବିତ ହୋଇନଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ବୈଷୟିକ ତ୍ରୁଟି ସଂପର୍କରେ ଷ୍ଟେଟ ବ୍ୟାଙ୍କ ପକ୍ଷରୁ ସୂଚନା ଦିଆଯିବା ସହ ଖୁବଶୀଘ୍ର ସ୍ଥିତି ସ୍ୱାଭାବିକ ହେବ ବୋଲି କୁହାଯାଇଛି ।
ଏକ ଟ୍ଵିଟ୍ କରି ଷ୍ଟେଟ ବ୍ୟାଙ୍କ ପକ୍ଷରୁ କୁହାଯାଇଛି ଯେ ଏକ ବୈଷୟିକ ତ୍ରୁଟି ଯୋଗୁଁ ଅକ୍ଟୋବର ୧୩ ତାରିଖରେ ଆମର କୋର୍ ବ୍ୟାଙ୍କିଙ୍ଗ ସେବା ପ୍ରଭାବିତ ହୋଇଛି । ଖୁବଶୀଘ୍ର ଆମ ସେବା ସ୍ୱାଭାବିକ ହେବ । ଏହି ତ୍ରୁଟି ଦ୍ୱାରା ଏଟିଏମ ଓ ପିଓଏସ (ପଏଣ୍ଟସ ଅଫ ସର୍ଭିସ) ସେବାକୁ ଛାଡ଼ିଦେଲେ ଅନ୍ୟ ସମସ୍ତ ବ୍ୟାଙ୍କିଙ୍ଗ୍ ଚ୍ୟାନେଲ ପ୍ରଭାବିତ ହୋଇଛି ।
ଏହା ପୂର୍ବରୁ ଆଜି ଷ୍ଟେଟ୍ ବ୍ୟାଙ୍କର ସେବା ମିଳିବାରେ ସମସ୍ୟା ହେଉଥିବା କଥା ଅନେକ ଗ୍ରାହକ ଟ୍ଵିଟ୍ କରି ଅଭିଯୋଗ କରିଥିଲେ । ବିଶେଷ କରି ଷ୍ଟେଟ୍ ବ୍ୟାଙ୍କର ଅନଲାଇନ୍ ବ୍ୟାଙ୍କିଙ୍ଗ ସେବା ଓ ଏସବିଆଇ ୟୋନୋ ଆପ ଠିକ ଭାବେ ଚାଲୁନଥିବା ଅଭିଯୋଗ ହୋଇଥିଲା । ଏହା ପରେ ଏସବିଆଇ ପକ୍ଷରୁ ବାଧ୍ୟହୋଇ ଏହି ସ୍ପଷ୍ଟୀକରଣ ଦିଆଯାଇଥିଲା ।