ଟେଲିଗ୍ରାମ ଚଳିତ ବର୍ଷର ଶେଷ ଦିନରେ ଜାରି କଲା ଦମଦାର ଫିଚର
ନୂଆଦିଲ୍ଲୀ: ଅନଲାଇନ୍ ମେସେଜିଂ ଆପ୍ ଟେଲିଗ୍ରାମ ଚଳିତ ବର୍ଷର ଶେଷ ଦିନରେ ଏକ ଦମଦାର ଫିଚର ଜାରି କରିଛି । ଏଣିିକି ଟେଲିଗ୍ରାମ ଆପରେ ୟୁଜର୍ସମାନେ ପ୍ରତିଟି ମେସେଜର ରିଆକ୍ସନ୍ ଦେଇପାରିବେ । ଖାଲି ସେତିକି ନୁହେଁ, ଟେଲିଗ୍ରାମରେ ଏଣିକି ୟୁଜର୍ସମାନେ ଗୋଟିଏ ମେସେଜର କିଛି ଅଂଶକୁ ମଧ୍ୟ ହାଇଡ୍ (ଲୁଚାଇ) ପାରିବେ । ଡିସେମ୍ବର ୩୧ ତାରିଖରେ ନିଜ ୟୁଜର୍ସଙ୍କ ପାଇଁ ଏଭଳି କିଛି ନୂଆ ଫିଚର ଆଣିଛି ଟେଲିଗ୍ରାମ । କମ୍ପାନି ତରଫରୁ ଏହି ଫିଚରର ନାଁ ରହିଛି ସ୍ପଏଲର ।
Sambad is now on WhatsApp
Join and get latest news updates delivered to you via WhatsApp
ସେହିପରି ଟେଲିଗ୍ରାମ କମ୍ପାନି ଏବେ ପ୍ରଥମ କରି ନିଜ ଆପରେ ଟ୍ରାନ୍ସଲେସନ୍ ସୁବିଧା ମଧ୍ୟ ଆଣିଛି । ଏଣିକି ଟେଲିଗ୍ରାମ ୟୁଜର୍ସମାନେ ପ୍ରତିଟି ମେସେଜକୁ ନିଜ ଇଚ୍ଛା ଅନୁସାରେ ଟ୍ରାନ୍ସଲେଟ୍ କରି ପଢିପାରିବେ । ଯାହାଦ୍ୱାରା ୟୁଜର୍ସମାନେ ଆଉ ଭାଷାକୁ ନେଇ ଅସୁବିଧାରେ ପଡିବେ ନାହିଁ ।
ଟେଲିଗ୍ରାମ ୟୁଜର୍ସମାନଙ୍କୁ ଏହି ଫିଚର ଦେବା ଫଳରେ ହ୍ୱାଟ୍ସଆପ୍ ଓ ସିଗନାଲ ଭଳି ଆପ୍ ଏବେ ପଛରେ ପଡିବେ ବୋଲି କୁହାଯାଉଛି । କାରଣ ଏହା ପୂର୍ବରୁ କେବଳ ମେସେଞ୍ଜର ଆପରେ ୟୁଜର୍ସମାନେ ପ୍ରତିଟି ମେସେଜର ରିଆକ୍ସନ୍ ଦେଇପାରୁଥିଲେ । ହେଲେ ଏବେ ଟେଲିଗ୍ରାମରେ ମଧ୍ୟ ସେହି ସୁବିଧା ଉପଲବ୍ଧ ହେବ । ତେବେ ଏହି ଫିଚର ସହିତ ଏବେ ଟେଲିଗ୍ରାମର ସେଟିଙ୍ଗରେ ଭାଷାର ଟ୍ରାନ୍ସଲେସନ୍ ମଧ୍ୟ ହୋଇପାରିବ ବୋଲି କମ୍ପାନୀ ପକ୍ଷରୁ କୁହାଯାଇଛି ।