ଚଳିତ ବର୍ଷ ଏହି ସ୍ମାର୍ଟଫୋନ୍‌ରେ ୨୫ହଜାର ଟଙ୍କା ପର୍ଯ୍ୟନ୍ତ ରିହାତି ମିଳିଛି

ନୂଆଦିଲ୍ଲୀ: ଚଳିତବର୍ଷ ଗୁଗଲ, ସାମସଙ୍ଗ ଓ ଏଲଜି ସମେତ ଅନେକ କମ୍ପାନି ଦମଦାର ଫିଚର ଥିବା ସ୍ମାର୍ଟଫୋନ୍‌ ଲଞ୍ଚ କରିଛନ୍ତି। ଏଥିମଧ୍ୟରୁ କିଛି ସ୍ମାର୍ଟଫୋନ୍‌ର ମୂଲ୍ୟରେ ରିହାତି ମଧ୍ୟ ମିଳିଥିଲା। ତେବେ ଆସନ୍ତୁ ଜାଣିବା ଚଳିତ ବର୍ଷ କେଉଁ କେଉଁ ସ୍ମାର୍ଟଫୋନ୍‌ର ମୂଲ୍ୟ ହ୍ରାସ ପାଇଛି।

୧. ଗୁଗୁଲ ଫ୍ଲାଗ୍‌ସିପ୍ ସ୍ମାର୍ଟଫୋନ୍‌ ପିକ୍ସଏଲ ୨ର ମୂଲ୍ୟ ୧୧,୦୦୦ଟଙ୍କା ଓ ପିକ୍ସଏଲ ୨ଏକ୍ସଏଲ୍‌ର ମୂଲ୍ୟ ୫,୦୦୦ଟଙ୍କା ପର୍ଯ୍ୟନ୍ତ ହ୍ରାସ ପାଇଥିଲା। ଏହି ସ୍ମାର୍ଟଫୋନ୍‌ ମୂଲ୍ୟ ହ୍ରାସ ପାଇବା ପରେ ପିକ୍ସଏଲ୨ର ୬୪ଜିବି ମଡେଲ ସ୍ମାର୍ଟଫୋନ୍‌ ମୂଲ୍ୟ ୪୯,୦୦୦ ଓ ୧୨୮ ଜିବି ମେଡେଲ ସ୍ମାର୍ଟଫୋନ୍‌ ମୂଲ୍ୟ ୫୮,୯୯୯ଟଙ୍କାରେ ବଜାରରେ ଉପଲବ୍ଧ ହେଉଛି। ତେବେ ଏହି ରିହାତି ପୁର୍ବରୁ ପିକ୍ସଏଲ ୨ଏକ୍ସଏଲ୍‌ର ୬୮ଜିବି ମଡେଲର ମୂଲ୍ୟ ୬୭,୯୯୯ଟଙ୍କା ଓ ୧୨୮ଜିବି ମଡେଲ ମୂଲ୍ୟ ୭୬,୯୯୯ଟଙ୍କା ଥିଲା।

୨. ସାମସଙ୍ଗ ଚଳିତ ବର୍ଷ ଗାଲାକ୍ସି ଏସ୍‌ ୮+ ଲଞ୍ଚ କରିଥିଲା। ଏହି ସ୍ମାର୍ଟଫୋନ୍‌ର ମୂଲ୍ୟ ୭୪,୯୦୦ଟଙ୍କା ଥିଲା। ତେବେ ଏହି ସ୍ମାର୍ଟଫୋନ୍‌ରେ ରିହାତି ମିଳିବା ପରେ ୯,୦୯୦ଟଙ୍କା ପର୍ଯ୍ୟନ୍ତ ହ୍ରାସ ହୋଇଥିଲା। ଏହାପରେ ଗାଲାକ୍ସି ଏସ୍‌ ୮+କୁ ଗ୍ରାହକ ୬୫,୯୦୦ରେ ପାଇ ପାରୁଛନ୍ତି। ସେହିପରି ଗାଲାକ୍ସି ଏସ୍‌୮ ସ୍ମାର୍ଟଫୋନ୍‌ରେ ୪୦୦୦ଟଙ୍କା ରିହାତି ହେଲା ପରେ ୫୩,୦୦୦ଟଙ୍କାରେ ଏହି ଫୋନ୍‌ ମିଳୁଛି।

୩. ଚଳିତବର୍ଷ ଏପ୍ରିଲରେ ଲଞ୍ଚ ହୋଇଥିବା ଏଲ୍‌ଜି ଜି ସ୍ମାର୍ଟଫୋନ୍‌ ମୂଲ୍ୟ ୧୯,୦୦୦ଟଙ୍କା ହ୍ରାସ ପାଇ ୩୨,୯୯୦ଟଙ୍କା ହୋଇଥିଲା।

୪. ସେହିପରି ୨୨,୦୦୦ଟଙ୍କା ରିହାତି ପରେ ଏଚଟିସି ୟୁ ଅଲଟ୍ରା ସ୍ମାର୍ଟଫୋନ୍‌ର ବର୍ତ୍ତମାନ ମୂଲ୍ୟ ୨୯,୦୦୦ଟଙ୍କା ହୋଇଛି। ପୂର୍ବରୁ ଏହି ଏଚଟିସି ୟୁ ଅଲଟ୍ରା ଫୋନ୍‌ର ମୂଲ୍ୟ ୫୨,୯୯୦ଟଙ୍କା ଥିଲା।

୫. ଚଳିତ ବର୍ଷ ଲଞ୍ଚ ହୋଇଥିବା ସୋନିର ଦମଦାର୍‌ ସ୍ମାର୍ଟଫୋନ୍‌ ଏକ୍ସପେରିଆ ଏକ୍ସଜେଡ୍‌ଏସ୍‌ ମୂଲ୍ୟରେ ୧୩,୬୦୦ଟଙ୍କା ହ୍ରାସ କରା ଯାଇଥିଲା। ବର୍ତ୍ତମାନ ଗ୍ରାହକ ଏହି ସ୍ମାର୍ଟଫୋନ୍‌କୁ ୩୬,୯୯୯ଟଙ୍କାରେ ପାଇ ପାରୁଛନ୍ତି।

୬.୨୦୧୭ରେ ଏହି ସ୍ମାର୍ଟଫୋନ୍‌ରେ ବମ୍ପର ରିହାତି ମିଳିଛି। ୫୪,୯୯୯ ଟଙ୍କାରେ ମିଳୁଥିବା ଏଲ୍‌ଜି ଭି୨୦ ସ୍ମାର୍ଟଫୋନ୍‌ ମୂଲ୍ୟରେ ହ୍ରାସ ପାଇ ୨୯,୯୯୯ଟଙ୍କା ହୋଇଛି।

୭. ସାମସଙ୍ଗ ଗାଲାକ୍ସି ଏ-୭ର ମୂଲ୍ୟରେ ୭,୫୯୦ଟଙ୍କା ହ୍ରାସ କରାଯାଇଛି। ଏହି ମୂଲ୍ୟ ହ୍ରାସ ପାଇବା ପରେ ଗାଲାକ୍ସି ଏ-୭ର ମୂଲ୍ୟ ୨୫,୯୦୦ଟଙ୍କାରେ ଉପଲବ୍ଧ ହେଉଛି।

୮. ଏଚଟିସି ୟୁ ପ୍ଲେର ମୂଲ୍ୟ ୧୦,୦୦୦ଟଙ୍କା ହ୍ରାସ ପାଇ ୨୯,୦୦୦ଟଙ୍କାରେ ହୋଇଛି।

୯.୧୦,୦୦୦ଟଙ୍କା ହ୍ରାସ ପାଇବା ପରେ ସାମସଙ୍ଗ ଗାଲାକ୍ସି ଏ୫ ବର୍ତ୍ତମାନ ମୂଲ୍ୟ ୧୭,୯୦୦ଟଙ୍କା ହୋଇଛି।