ନିୟମର ଉଲ୍ଲଂଘନ କରୁଥିବାରୁ ଟିକ୍ ଟକ୍ରୁ ହଟାଇ ଦିଆଗଲା ୬୦ଲକ୍ଷ ଭିଡିଓ
ନୂଆଦିଲ୍ଲୀ : ସର୍ଟ ଭିଡିଓ ଆପ୍ ତଥା ମ୍ୟୁଜିକାଲ ଆପ୍ ଟିକ୍ ଟକ୍କୁ ନେଇ ବିବାଦ ଖୁବ୍ ପୁରୁଣା । ଦିନକୁ ଦିନ ଏହାର ଲୋକପ୍ରିୟତା ବଢ଼ିବା ସହ ଏହାକୁ ନେଇ ବିବାଦ ମଧ୍ୟ ବଢ଼ିବାରେ ଲାଗିଛି । ପିଲାମାନେ ଲୋକପ୍ରିୟ ହେବା ପାଇଁ କରୁଥିବା ଭିଡିଓ ଅନେକ ସମୟରେ ହିଂସା ସୃଷ୍ଟି କରିବା ସହ କିଛି ପିଲା ଭିଡିଓ କରୁ କରୁ ମୃତ୍ୟୁବରଣ କରିବାର ଦୃଶ୍ୟ ଅନେକ ଘଟି ସାରିଛି । ଯାହାକୁ ଆଖି ଆଗରେ ରଖି ଏହା ଉପରେ ପ୍ରତିବନ୍ଧକ ଲଗାଇବା ପାଇଁ ଏବେ କିଛି ରାଜ୍ୟ ଯୋଜନା ଆରମ୍ଭ କରିଛନ୍ତି । ତେବେ ଏ ମଧ୍ୟରେ ଏକ ବଡ଼ ଖବର ସାମ୍ନାକୁ ଆସିଛି । ଟିକ୍ ଟକ୍ରେ ସେୟାର କରାଯାଇଥିବା ଭିଡିଓ ଭାରତୀୟ ଗାଇଡ୍ଲାଇନ୍କୁ ଉଲ୍ଲଂଘନ କରୁଥିବାରୁ ପ୍ରାୟ ୬୦ଲକ୍ଷ ଭିଡିଓ ଟିକ୍ ଟକ୍ରୁ ହଟାଇ ଦିଆଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
କମ୍ପାନୀ ତରଫରୁ ଦିଆଯାଇଥିବା ବୟାନ ଅନୁଯାୟୀ, ଭାରତୀୟ ଗାଇଡ୍ଲାଇନ୍କୁ ଆଖି ଆଗରେ ରଖି ଆଗକୁ ଭାରତୀୟମାନେ କରୁଥିବା ଭିଡିଓ ଉପରେ କଡ଼ା ନଜର ରଖାଯିବ । ଏହା ସହ ୬-୧୮ମାସ ମଧ୍ୟରେ ଭାରତରେ ଡାଟା ଷ୍ଟୋର ପାଇଁ ଏକ ସ୍ୱତନ୍ତ୍ର ସର୍ଭର କାମ କରିବା ଆରମ୍ଭ କରିବ । ବର୍ତ୍ତମାନ ଭାରତୀୟ ବ୍ୟବହାରକାରୀଙ୍କ ଡାଟା ଆମେରିକା ଓ ସିଙ୍ଗାପୁରରେ ରଖାଯାଉଛି । ଯାହାକୁ ଆଗାମୀ ଦିନରେ ଭାରତକୁ ଅଣାଯିବ । ବର୍ତ୍ତମାନ ଭାରତରେ ଟିକ୍ ଟକ୍ ବ୍ୟବହାରକାରୀଙ୍କ ସଂଖ୍ୟା ୨୦କୋଟି ଥିବା ବେଳେ ଡାଟା ସୁରକ୍ଷା ଓ ଭିଡିଓକୁ ନେଇ ଯେମିତି କୌଣସି ହିଂସା ନ ହୁଏ, ସେ ନେଇ କାମ ଆରମ୍ଭ କରିଛି କମ୍ପାନୀ ।