ସଂଗ୍ରହାଳୟ ବୁଲିଲେ ପ୍ରତିନିଧି
ଭୁବନେଶ୍ବର: ମେକ୍ ଇନ୍ ଓଡ଼ିଶାରେ ଅଂଶଗ୍ରହଣ ପାଇଁ ଆସିଥିବା ସଦସ୍ୟମାନେ ସଂଗ୍ରହାଳୟ ବୁଲି ଦେଖିଛନ୍ତି। ଓଡ଼ିଶାର ହସ୍ତତନ୍ତ ଓ ହସ୍ତଶିଳ୍ପର କାରିଗରୀ ଚମତ୍କୃତ କରିଥିବା ଅନେକ ସ୍ବୀକାର କରିଥିଲେ। ସଦସ୍ୟମାନଙ୍କୁ ୨ଟି ଦଳରେ ଭାଗ କରି କଳାଭୂମିକୁ ବୁଲାଇ ନିଆଯାଇଥିଲା। ସେଠାରେ ଏହି ସଦସ୍ୟମାନଙ୍କ ପାଇଁ ସ୍ବତନ୍ତ୍ର ପଂଜୀକରଣ ବ୍ୟବସ୍ଥା ହୋଇଥିଲା। ଏଥିସହ ସେମାନଙ୍କୁ ହସ୍ତତନ୍ତ ଓ ହସ୍ତଶିଳ୍ପ ସମ୍ବନ୍ଧୀୟ ସୂଚନା ପୁସ୍ତିକା ଓ ଗାଇଡ୍ ମ୍ୟାପ୍ ପ୍ରଦାନ କରାଯାଇଥିଲା। ପ୍ରତି ଗ୍ୟାଲେରିରେ କ୍ୟୁରେଟର୍ ନିୟୋଜିତ ହୋଇଥିଲେ। ଏଥିସହ ସେଠାରେ ଟେରାକୋଟା କର୍ମଶାଳା ଏବଂ ବାଦ୍ୟ ସଂଗୀତ ପରିବେଷଣ କରାଯାଇଥିଲା। ସେହିପରି ସିଆର୍ପି ଛକ ନିକଟରେ ଥିବା ଜନଜାତି ସଂଗ୍ରହାଳୟକୁ ମଧ୍ୟ ଏକ ଗ୍ରୁପ୍ ବୁଲିବାକୁ ଯାଇଥିଲେ।