ଭୁବନେଶ୍ବର: ଟିପି ସେଣ୍ଟ୍ରାଲ୍ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍‌ (ଟିପିସିଓଡିଏଲ୍‌)ର ୨୦୦ ଜଣ ଗ୍ରାହକ ମୋବାଇଲ ଫୋନ୍ ଜିତିବାର ସୌଭାଗ୍ୟ ହାସଲ କରିଛନ୍ତି। ସମସ୍ତ ବିଜେତାଙ୍କୁ କଂପାନିର ସିଇଓ ଅରବିନ୍ଦ ସିଂହ ଅଭିନନ୍ଦନ ଜଣାଇଛନ୍ତି। କଂପାନିର ‘ବିଲ୍‌ ପେ’ ଆଣ୍ଡ୍‌ ୱିନ୍ ସ୍କିମ’ରେ ଭାଗ ନେଇଥିବା ଗ୍ରାହକମାନଙ୍କୁ ପୁରସ୍କାର ପ୍ରଦାନ କରାଯାଇଛି। ଭୁବନେଶ୍ବର, ନିମାପଡ଼ା, ପୁରୀ, କଟକ, ସାଲେପୁର, ଆଠଗଡ଼, ଢେଙ୍କାନାଳ, ତାଳଚେର, ଅନୁଗୁଳ, ଖୋର୍ଦ୍ଧା, ବାଲୁଗାଁ, ନୟାଗଡ଼, ଜଗସିଂହପୁର, ପାରାଦୀପ, ମାର୍ଶାଘାଇ ଓ କେନ୍ଦ୍ରାପଡ଼ା ଭଳି ୧୬ଟି ସ୍ଥାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଲ୍‌ ପେ’ ଆଣ୍ଡ୍‌ ୱିନ୍ ସ୍କିମ୍‌ରେ ଠିକ ସମୟରେ ବିଦ୍ୟୁତ ବିଲ୍ ପଇଠ କରି ଓଇଆର୍‌ସି ପକ୍ଷରୁ ଦିଆଯାଉଥିବା ରିହାତି ମାଧ୍ୟମରେ ଗ୍ରାହକମାନଙ୍କୁ ପ୍ରୋତ୍ସାହିତ କରାଯାଉଛି।