ଟ୍ରେଡିଂ ଟ୍ରେଣ୍ଡ୍‌

ଅବସରକାଳୀନ ‌ଯୋଜନାର ଏକ ପ୍ରମୁଖ ଆହ୍ବାନ ହେଉଛି ମୁଦ୍ରାସ୍ଫୀତି। ନଗଦ ରାଶି ପାଇବା ଲାଗି ଏଫ୍‌ଡି କିମ୍ବା ସମାନ ଧରଣ ବିକଳ୍ପରେ ନିବେଶ କରିବାକୁ ଆମେ ପରାମର୍ଶ ଦେଉନାହୁଁ। କାରଣ ସେଥିରୁ ମିଳୁଥିବା ରିଟର୍ଣ୍ଣ ମୁଦ୍ରାସ୍ଫୀତିର ମୁକାବିଲା କରିପାରିବ ନାହିଁ। ତେଣୁ ସମ୍ପତ୍ତିର ରକ୍ଷଣଶୀଳ ଆବଣ୍ଟନ କରିବା ଦକରାର। ପାଣ୍ଠିର ୩୦-୪୦ ପ୍ରତିଶତ ଇକ୍ବିଟିରେ ନିବେଶ କରିବାକୁ ହେବ ଏବଂ ବଳକା ରାଶିକୁ ଡେବ୍‌ଟରେ। ଯେଉଁ ପୋର୍ଟଫୋଲିଓରେ ୪୦ ପ୍ରତିଶତ ଇକ୍ବିଟି ରହିଥିବ ତାହା ବାର୍ଷିକ ୧୧.୨ ପ୍ରତିଶତ ରିଟର୍ଣ୍ଣ ଦେଇପାରିବ। ପରବର୍ତ୍ତୀ ୫ ବର୍ଷ ମିଳିବାକୁ ଥିବା ପାଣ୍ଠିକୁ ଏକ ଅଳ୍ପ ଅବଧିର ଡେବ୍‌ଟ ଫଣ୍ଡରେ ରଖିବା ସହ ଅବଶିଷ୍ଟ ରାଶିକୁ ଏକ ଗ୍ରୋଥ୍‌ ପୋର୍ଟଫୋଲିଓରେ ରଖିବାକୁ ହେବ ଯେଉଁଥିରେ ଇକ୍ବିଟିରେ ୪୦ ପ୍ରତିଶତ ଓ ଡେବ୍‌ଟରେ ୬୦ ପ୍ରତିଶତ ରାଶି ରହିବ। ପାଣ୍ଠିର ପରିମାଣ ଓ କେତେ ପାଣ୍ଠି ପେମେଣ୍ଟ ଆକାରରେ ଦରକାର, ସେହି ତଥ୍ୟ ମିଳିଲେ ଅବସରକାଳୀନ ଯୋଜନା ପାଇଁ ଜଣେ ନିବେଶ ପରାମର୍ଶଦାତାଙ୍କ ପରାମର୍ଶ ଅନୁସାରେ ପ୍ରକ୍ରିୟା ଆରମ୍ଭ କରିବାକୁ ହେବ।

ଗତ ଦୁଇ ବର୍ଷ ଧରି ଚାଲିଥିବା ଏସ୍‌ଆଇପିର ପରିମାଣ ବାର୍ଷିକ ୧୬ ପ୍ରତିଶତ ରିଟର୍ଣ୍ଣ ଅନୁସାରେ ୧୪.୦୩ ଲକ୍ଷ କୋଟି ଟଙ୍କା ହେବ। ଆସନ୍ତା ୮ ବର୍ଷରେ ଏକ କୋଟି ଟଙ୍କାର ପାଣ୍ଠି ହାସଲ କରିବାକୁ ହେଲେ ଏକକାଳୀନ ନିବେଶ ଭାବେ ୩୦.୫ ଲକ୍ଷ ଟଙ୍କା ଦରକାର କିମ୍ବା ଏସ୍‌ଆଇପିରେ ମାସିକ ୫୨ ହଜାର ଟଙ୍କା‌ ନିବେଶ ଦରକାର ଯାହା ବାର୍ଷିକ ୧୬ ପ୍ରତିଶତ ରିଟର୍ଣ୍ଣ ପ୍ରଦାନ କରୁଥିବ। ଭଲ ଇକ୍ବିଟି ମ୍ୟୁଚୁଆଲ୍ ଫଣ୍ଡ ନିଫ୍‌ଟି ଦେଉଥିବା ବାର୍ଷିକ ୧୨ ପ୍ରତିଶତ ରିଟର୍ଣ୍ଣ ତୁଳନାରେ ୪ ପ୍ରତିଶତ ଅଧିକ ରିଟର୍ଣ୍ଣ ପ୍ରଦାନ କରିପାରିବ।

ଅଫଲାଇନ୍ କାରବାର ତୁଳନାରେ ଟ୍ରେଡିଂ/ ନିବେଶ ଆପ୍ ଜରିଆରେ ଏସ୍‌ଆଇପି କରିବା ସହଜ ଓ ଦ୍ରୁତତମ। ମାତ୍ର ଏସ୍‌ଆଇପିର ରିଟର୍ଣ୍ଣ ଆପଣ ଚୟନ କରିଥିବା ଫଣ୍ଡର ଗୁଣାତ୍ମକ ମାନ କିମ୍ବା ଆପଣ ପାଇଥିବା ପରାମର୍ଶ ଉପରେ ନିର୍ଭର କରିବ।

ଆପଣ ଆସନ୍ତା ୫ ବର୍ଷରେ ଆବଣ୍ଟନ ପାଇଁ ଏହି ଫଣ୍ଡଗୁଡ଼ିକକୁ ଚୟନ କରିପାରିବେ ବୋଲି ମୁଁ ପରାମର୍ଶ ଦେଉଛି।

ଏଚ୍‌ଡିଏଫ୍‌ସି ଫ୍ଲେକ୍ସିକ୍ୟାପ୍ ଫଣ୍ଡ-୨୫%

ଆଇସିଆଇସିଆଇ ଫୋକସଡ୍‌ ଫଣ୍ଡ-୨୦%

ନିପନ୍ ମଲ୍‌ଟିକ୍ୟାପ୍ ଫଣ୍ଡ-୨୦%

ଏସ୍‌ବିଆଇ ମିଡ୍‌କ୍ୟାପ୍ ଫଣ୍ଡ-୨୦%

ବନ୍ଧନ ସ୍ମଲ କ୍ୟାପ୍ ଫଣ୍ଡ-୧୫%

ବ୍ୟକ୍ତିବିଶେଷଙ୍କୁ ୧.୨୫ ଲକ୍ଷ ଟଙ୍କାର ରିହାତି ପରେ ଲାଭ ଉପରେ ୧୨.୫ ପ୍ରତିଶତ ହାରରେ ଦୀର୍ଘକାଳୀନ ପୁଞ୍ଜି ଲାଭ ଟିକସ ଲାଗୁ ହେବ।