ଟ୍ରେଡିଂ ଟ୍ରେଣ୍ଡ୍‌

 ମୁଁ ଏକ ଘରୋଇ କମ୍ପାନିରେ କାମ କରୁଥିବା ଜଣେ ୩୦ ବର୍ଷୀୟ ଯୁବକ। ମୋର ମାସିକ ଦରମା ୨୫,୦୦୦ ଟଙ୍କା। ମୁଁ ସେୟାର ମାର୍କେଟରେ ନିବେଶ କରିବାକୁ ଚାହୁଁଛି। କ'ଣ କରିବି?
ସରୋଜ ସାହୁ, ଭୁବନେଶ୍ୱର
ଯଦି ଆପଣ ମାସକୁ ୨୫ ହଜାର ରୋଜଗାର କରୁଛନ୍ତି, ତେବେ ମୁଁ ଅନୁମାାନ କରୁଛି ଯେ ଆପଣଙ୍କ ପାଖରେ ମାସକୁ ଅତି କମରେ ୫ ହଜାରରୁ ୧୦ ହଜାର ମଧ୍ୟରେ ସଞ୍ଚୟ ରହୁଛି। ସେହି ପ୍ରକାର ପୁଞ୍ଜି ସହିତ ଷ୍ଟକ୍‌ ବଜାରକୁ ଆସିବାର ସର୍ବୋତ୍ତମ ଉପାୟ ହେଉଛି ମାସିକଭିତ୍ତିରେ ଏସ୍‌ଆଇପିରେ ନିବେଶ କରିବା। ଆପଣ ଲାର୍ଜ କ୍ୟାପ୍‌ରେ ଗୋଟିଏ ଏସ୍‌ଆଇପି ଏବଂ ମିଡ୍ କ୍ୟାପ୍‌ରେ ଗୋଟିଏ ଏସ୍‌ଆଇପି କରିପାରିବେ। ମୁଁ ଭାବୁଛି ଷ୍ଟକ ବଜାରକୁ ଆସିବା ପାଇଁ ଏହା ହେଉଛି ସର୍ବୋତ୍ତମ ଉପାୟ।

 ସ୍ୱାମୀଙ୍କଠାରୁ ମାସିକ ୨୦୦୦ ଟଙ୍କା ସଞ୍ଚୟ କରୁଥିବା ଜଣେ ଗୃହିଣୀ ହିସାବରେ ମୁଁ ସେୟାର ମାର୍କେଟରେ ନିବେଶ କରିବା ବିଷୟ‌ରେ ଭାବିପାରିବି କି?
ସୁନୀତା ପ୍ରଧାନ, ରାଉରକେଲା
ସେହି ପ୍ରକାର ପୁଞ୍ଜି ସହିତ ଷ୍ଟକ ବଜାରକୁ ଆସିବାର ସର୍ବୋତ୍ତମ ଉପାୟ ହେଉଛି ମ୍ୟୁଚୁଆଲ୍ ଫଣ୍ଡ୍‌ର ଏସ୍‌ଆଇପି। ଗୋଟିଏ ଲାର୍ଜ କ୍ୟାପ୍ ଫଣ୍ଡ ଏବଂ ଅନ୍ୟଟି ମିଡ୍ କ୍ୟାପ୍ ଫଣ୍ଡକୁ ଦେଖିଲେ ଆପଣ ୨ ଏସ୍‌ଆଇପିରେ ୨ ହଜାର ଟଙ୍କା ନିବେଶ କରିପାରିବେ। ଆପଣ ଦୀର୍ଘ ସମୟ ଧରି ଚକ୍ରବୃଦ୍ଧିର ଯାଦୁ ଦେଖିପାରିବେ।

ସୁସ୍ମିତ ଧର

କାର୍ଯ୍ୟନିର୍ବାହୀ ନିର୍ଦ୍ଦେଶକ
ଆନନ୍ଦ ରାଠି ସେୟାର୍ସ ଆଣ୍ଡ୍‌ ଷ୍ଟକ୍ ବ୍ରୋକର୍ସ