ଓଟିପି ଆସିବା ବନ୍ଦ ଖବରକୁ ନେଇ ସ୍ପଷ୍ଟ କଲା ଟ୍ରାଇ

ନୂଆଦିଲ୍ଲୀ: ଡିସେମ୍ବର ୧ ତାରିଖରୁ ମୋବାଇଲକୁ କୌଣସି ଓଟିପି ଆସିବ ନାହିଁ । ବିନା ଓଟିପିରେ କିଭଳି କାମ କରାଯିବ ତାହାକୁ ନେଇ ଲୋକେ ଚିନ୍ତାରେ ପଡ଼ିଯାଇଥିଲେ। ଏ ଖବରକୁ ନେଇ ଟ୍ରାଇ ଲୋକମାନଙ୍କୁ ଚିନ୍ତା ନକରିବାକୁ ସୂଚନା ଦେଇଛି।

ଭାରତୀୟ ଦୂରସଞ୍ଚାର ନିୟାମକ କର୍ତ୍ତୃପକ୍ଷ (ଟ୍ରାଇ)ଏକ୍ସରେ ଏକ ପୋଷ୍ଟ ସେୟାର କରି ସୂଚିତ କରି କହିଛି, ‘ଦୂରସଞ୍ଚାର ନିୟାମକ  ଦେଶରେ ବୃଦ୍ଧି ପାଉଥିବା ସାଇବର ଅପରାଧକୁ ହ୍ରାସ କରିବା ପାଇଁ ଗତ କିଛିବର୍ଷ ହେବ ଉଦ୍ୟମ ଜାରି ରଖିଛି।

 ନକଲି କଲ ଓ ମେସେଜକୁ ଅଟକାଇବା ପାଇଁ ଅକ୍ଟୋବର ୧ରୁ ନୂଆ ନିୟମ ଲାଗୁ କରି ଦେଇଛି। ଏଥିସହିତ ଟେଲିକମ କମ୍ପାନିକୁ ମେସେଜ ଟ୍ରେସିବିଲିଟିକୁ ମେନଡେଟ କରିବା ପାଇଁ ନଭେମ୍ବର ୩୦ ପର୍ଯ୍ୟନ୍ତ ସମୟ ଦିଆଯାଇଛି। ଏହି ନୂଆ ନିୟମ ଲାଗୁ ହେଲେ କାହାରିକୁ ଓଟିପି ମିଳିବାରେ ବିଳମ୍ବ ହେବନାହିଁ। ତେଣୁ ସୋସିଆଲ ମିଡିଆରେ ଘୁରି ବୁଲୁଥିବା ଖବରକୁ ବିଶ୍ବାସ କରି ଆଦୌ ବିଚଳିତ ହୁଅନ୍ତୁ ନାହିଁ।

This is factually incorrect. TRAI has mandated the Access Providers to ensure message traceability. It will not delay delivery of any message. @the_hindu@IndianExpress @htTweets @livemint @DeccanHerald@EconomicTimes @IndiaToday @thetribunechd@firstpost @JagranNews pic.twitter.com/NRIf0S0bYN

— TRAI (@TRAI) November 28, 2024