ଅଦିଲାବାଦ: ତେଲେଙ୍ଗାନାର ଅଦିଲାବାଦରେ ଦୁର୍ଘଟଣାଗ୍ରସ୍ତ ହୋଇ ଓଲଟିପଡ଼ିଥିବା ଏକ ‌ଟ୍ରକ୍‌କୁ ଜଗିବା ଲାଗି ପୁଲିସ ମୂତୟନ କରାଯାଇଛି। ହାଇଦ୍ରାବାଦ-ନାଗପୁର ଜାତୀୟ ରାଜପଥରେ ଟ୍ରକ୍‌ଟି ଦୁର୍ଘଟଣାଗ୍ରସ୍ତ ହୋଇଛି। ଯେହେତୁ ସାରା ଦେଶରେ ଟମାଟୋ ଦାମ୍‌ ଆକାଶଛୁଆଁ ସ୍ତରରେ ରହିଛି, ତେଣୁ ଟ୍ରକ୍‌ରୁ ଟମାଟୋ ଚୋରି ରୋକିବା ଲାଗି ପୁଲିସ ମୂତୟନ କରାଯାଇଛି। ଭା‌ରତୀୟ ଜାତୀୟ ରାଜମାର୍ଗ ପ୍ରାଧିକରଣର ପାଟ୍ରୋଲିଂ ଟିମ୍‌ ପୁଲିସକୁ ସହଯୋଗ କରିଥିଲା। ଦୁର୍ଘଟଣାଗ୍ରସ୍ତ ଟ୍ରକ୍‌ରୁ ଟମାଟୋ ପେଟିକୁ ପାଢ଼ି ଅନ୍ୟ ଏକ ଗାଡ଼ିରେ ଭର୍ତ୍ତି କରାଯାଇଥିଲା। ଏହି ଟ୍ରକ୍‌ଟି କର୍ଣ୍ଣାଟକରୁ କୋଲାରରୁ ଟମାଟୋ ନେଇ ଦିଲ୍ଲୀ ଯାଉଥିଲା। ସେଥିରେ ୧୮ ଟନ୍ ଟମାଟୋ ଥିଲା ଯାହାର ମୂଲ୍ୟ ୨୨ ଲକ୍ଷ ଟଙ୍କା‌ ଆକଳନ କରାଯାଇଛି।