ଇଲେକ୍ଟ୍ରିକ ସ୍କୁଟର ସେଗମେଣ୍ଟରେ ବଜାଜ ଚେତକକୁ ଟକ୍କର ଦେଉଛି ଟିଭିଏସର ଏହି ଗାଡି
ନୂଆଦିଲ୍ଲୀ: ଭାରତରେ ଇଲେକ୍ଟ୍ରିକ୍ ସ୍କୁଟରର ଚାହିଦା ବହୁତ ଦ୍ରୁତ ଗତିରେ ବଢୁଛି | ଟିଭିଏସ୍ ମୋଟର୍ସ ଏବଂ ବଜାଜ ଅଟୋ ଗତ ବର୍ଷ ସେମାନଙ୍କର ପ୍ରଥମ ଇଲେକ୍ଟ୍ରିକ ସ୍କୁଟର ଲଞ୍ଚ କରିଥିଲେ। ବଜାଜ ଅଟୋ ଏହାର ଇଲେକ୍ଟ୍ରିକ୍ ସ୍କୁଟର ଚେତକ ଲଞ୍ଚ କରିଥିବାବେଳେ ଟିଭିଏସ୍ ମୋଟର୍ସ ଟିଭିଏସ୍ ଆଇକ୍ୟୁବ୍ ଇଲେକ୍ଟ୍ରିକ୍ ସ୍କୁଟର ଲଞ୍ଚ କରିଛି। ତେବେ ବଡ କଥା ଯେ ବଜାଜ ଚେତକକୁ ଏବେ ଟିଭିଏସର ଏହି ଗାଡି କଡା ଟକ୍କର ଦେଉଛି | ଗତ ମାର୍ଚ୍ଚ ମାସରେ ବଜାଜ ଚେତକର ୯୦ଟି ଗାଡି ବିକ୍ରି ହୋଇଥିବାବେଳେ ଟିଭିଏସ ୩୫୫ଟି ଗାଡି ବିକ୍ରି କରିଛି |
Sambad is now on WhatsApp
Join and get latest news updates delivered to you via WhatsApp
ବଜାଜ ଚେତକ ବାବଦରେ କହିବାକୁ ଗଲେ ଏଥିରେ ଦୁଇଟି ଡ୍ରାଇଭିଂ ମୋଡ୍ ଅଛି | ସିଟି ଏବଂ ସ୍ପୋର୍ଟ ମୋଡ୍ ସହିତ କମ୍ପାନୀ ଏହି ସ୍କୁଟରରେ ୪.୧ କିଲୋୱାଟ ଇଲେକ୍ଟ୍ରିକ୍ ମୋଟର ବ୍ୟବହାର କରିଛି ଯାହା ୧୬ ଏନଏମର ଟର୍କ ସୃଷ୍ଟି କରେ | ୧ ଘଣ୍ଟାରେ, ଏହି ସ୍କୁଟର ୨୫ ପ୍ରତିଶତ ପର୍ଯ୍ୟନ୍ତ ଚାର୍ଜ ହୋଇଥାଏ, ତେବେ ସମ୍ପୂର୍ଣ୍ଣ ଚାର୍ଜ ହେବାକୁ ୫ ଘଣ୍ଟା ଲାଗେ | ସମ୍ପୂର୍ଣ୍ଣ ଚାର୍ଜରେ, ଏହି ଇଲେକ୍ଟ୍ରିକ୍ ସ୍କୁଟର ୯୫ କିଲୋମିଟର ପର୍ଯ୍ୟନ୍ତ ଯାଇଥାଏ |
ସେହିପରି ଟିଭିଏସ୍ ଆଇକ୍ୟୁବରେ କମ୍ପାନୀ ୪.୪କିଲୋୱାଟ ଶକ୍ତିଶାଳୀ ମୋଟର ଦିଆଯାଇଛି | ଏଥିରେ ଟିଏଫଟି କ୍ଲଷ୍ଟର, ସ୍ମାର୍ଟ କନେକ୍ଟିଭିଟି, ମଲ୍ଟି-ସିଲେକ୍ଟ ଇକୋନୋମି ଏବଂ ପାୱାର ମୋଡ୍, ବୈଶିଷ୍ଟ୍ୟ ଦିଆଯାଇଛି | ଲଞ୍ଚ ହେବା ପରଠାରୁ କମ୍ପାନୀ ୧୧୧୦ ୟୁନିଟ୍ ଟିଭିଏସ୍ ଆଇକ୍ୟୁବ ବିକ୍ରି କରିଛି |