ଦେଶରେ ଲକଡାଉନ କୋହଳ ହେବା ପରେ ହ୍ରାସ ପାଉଛି ବେକାରୀ ହାର
ନୂଆଦିଲ୍ଲୀ : ଦେଶରେ କରୋନା ମହାମାରୀର ୨ୟ ଲହର ଧୀରେ ଧୀରେ ହ୍ରାସ ପାଉଥିବାରୁ ଅର୍ଥନୈତିକ ସ୍ଥିତିରେ ମଧ୍ୟ ସୁଧାର ଆସିବା ଆରମ୍ଭ ହୋଇଛି । ଏହା ସହିତ ଦେଶରେ ବେକାରି ହାର ସାମାନ୍ୟ ହ୍ରାସ ପାଇଛି ।
Sambad is now on WhatsApp
Join and get latest news updates delivered to you via WhatsApp
ସେଣ୍ଟର ଫର ମନିଟରିଂ ଅଫ ଇଣ୍ଡିଆନ ଇକୋନୋମୀ (ସିଏମଆଇଏ)ର ତଥ୍ୟ ଅନୁସାରେ ଦେଶରେ ଜୁନ ୨ୟ ସପ୍ତାହ ସୁଦ୍ଧା ଦେଶର ବେକାରୀ ହାର ୮.୭ ପ୍ରତିଶତକୁ ହ୍ରାସ ପାଇଛି । ସହରାଂଚଳ ବେକାରୀ ୯.୭ ପ୍ରତିଶତ ଓ ଗ୍ରାମାଞ୍ଚଳ ବେକାରୀ ୮.୨ ପ୍ରତିଶତକୁ ହ୍ରାସ ପାଇଛି ।
ଗତ ୬ ସପ୍ତାହ ମଧ୍ୟରେ ଏହା ସର୍ବନିମ୍ନ ବେକାରୀ ହାର । ଏପ୍ରିଲ ମଧ୍ୟ ଭାଗରୁ ଦେଶର ବିଭିନ୍ନ ରାଜ୍ୟରେ ଲକଡାଉନ ଲାଗୁ ହୋଇଥିଲା । ଏହା ଫଳରେ ବିଭିନ୍ନ ବ୍ୟବସାୟ ପ୍ରତିଷ୍ଠାନ ଓ କଳ କାରଖାନା ପ୍ରଭାବିତ ହୋଇଥିଲା । କିନ୍ତୁ ଏବେ ଲକଡାଉନ ଧୀରେ ଧୀରେ କୋହଳ ହେବା ପରେ ନିଯୁକ୍ତି ପ୍ରଦାନ ମଧ୍ୟ ବୃଦ୍ଧି ପାଇଛି । ଏହା ଫଳରେ ବେକାରୀ ହାର ହ୍ରାସ ପାଉଛି ।