ଦେଶର ସବୁଠାରୁ ବଡ଼ ବ୍ୟାଙ୍କ ଆଣିଲା ନିଯୁକ୍ତି ସୁଯୋଗ : ଜାଣନ୍ତୁ ପଦ, ଯୋଗ୍ୟତା ଓ ଆବେଦନ ସଂପର୍କରେ ସବିଶେଷ ସୂଚନା
ନୂଆଦିଲ୍ଲୀ : ଭାରତର ସବୁଠାରୁ ବଡ଼ ବ୍ୟାଙ୍କ ତଥା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ (ଏସବିଆଇ) ପକ୍ଷରୁ ଶାଖା ପ୍ରବନ୍ଧକ ଏବଂ ଫାୟାର ଅଫିସର ପଦବିରେ ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ଏଥିପାଇଁ ଆବେଦନ କରିବାର ଶେଷ ତାରିଖ ରହିଛି ୨୪ ସେପ୍ଟେମ୍ବର, ୨୦୧୮ । ଇଚ୍ଛୁକ ଆଶାୟୀପ୍ରାର୍ଥୀ ଏସବିଆଇର ଆଧିକାରୀକ ୱେବସାଇଟ୍ (sbi.co.in) ଏସବିଆଇ ଡଟ୍ କୋ ଡଟ୍ ଇନକୁ ଯାଇ ଆବେଦନ କରିପାରିବେ । ଜାଣନ୍ତୁ କେଉଁ ପଦବି ଲାଗି ଆବେଦନର କ’ଣ କ’ଣ ଯୋଗ୍ୟତା ଆବଶ୍ୟକ।
Sambad is now on WhatsApp
Join and get latest news updates delivered to you via WhatsApp
ପଦବି : ଶାଖା ପ୍ରବନ୍ଧକ/ ଅଗ୍ନିଶମ ଅଧିକାରୀ (ଫାୟାର ଅଫିସର)
ପଦବି ସଂଖ୍ୟା: ୪୮
ମାସିକ ଦରମା: ୩୧,୭୦୫-୪୫,୯୫୦ ଟଙ୍କା
ଶାଖା ପ୍ରବନ୍ଧକ ପାଇଁ ଶିକ୍ଷାଗତ ଯୋଗ୍ୟତା: କୌଣସି ବି ମାନ୍ୟତାପ୍ରାପ୍ତ ପ୍ରତିଷ୍ଠାନରୁ ସ୍ନାତକ କିମ୍ବା ପୁଲିସ ବିଭାଗରେ ଅତି କମରେ ୫ ବର୍ଷର ଅଭିଜ୍ଞତା ଥିବା ଦରକାର ।
ବୟସ ସୀମା: ୨୮ରୁ ୪୦ ବର୍ଷ
ଫାୟାର ଅଫିସର ପାଇଁ ଶିକ୍ଷାଗତ ଯୋଗ୍ୟତା: ମାନ୍ୟତା ପ୍ରାପ୍ତ ବିଶ୍ୱବିଦ୍ୟାଳୟରୁ ସ୍ୱୀକୃତପ୍ରାପ୍ତ ତଥା ବିଟେକରୁ ଅନୁମୋଦିତ ରାଷ୍ଟ୍ରୀୟ ଅଗ୍ନି ସେବା କଲେଜ (ଏନଏଫଏସସି)ରୁ ପ୍ରଶିକ୍ଷଣ ପ୍ରାପ୍ତ କରିଥିବା ନିହାତି ଜରୁରୀ ।
ବୟସ ସୀମା: ୩୫ରୁ ୬୨ ବର୍ଷ
ଆବେଦନ ଶୁଳ୍କ: ଡେବିଟ କିମ୍ବା କ୍ରେଡିଟ କାର୍ଡ କିମ୍ବା ଇଣ୍ଟରନେଟ ବ୍ୟାଙ୍କିଂ ମାଧ୍ୟମରେ ପରୀକ୍ଷା ବାବଦକୁ ଶୁଳ୍କ ପ୍ରଦାନ କରିପାରିବେ ।
• ଜେନେରାଲ ଏବଂ ଓବିସି ପ୍ରାର୍ଥିଙ୍କ ପାଇଁ-୬୦୦ ଟଙ୍କା
• ଏସସି /ଏସଟିଙ୍କ ପାଇଁ-୧୦୦ଟଙ୍କା
ଶେଷ ତାରିଖ: ଅନଲାଇନ ଆବେଦନ ଜମା କରିବାର ଶେଷ ତାରିଖ ୨୪ ସେପ୍ଟେମ୍ବର, ୨୦୧୮ ।
ଚୟନ ପ୍ରକ୍ରିୟା: ଇଚ୍ଛୁକ ଆଶାୟୀପ୍ରାର୍ଥିଙ୍କ ଚୟନ ପ୍ରକ୍ରିୟା ଉଭୟ ସର୍ଟଲିଷ୍ଟିଂ ଏବଂ ସାକ୍ଷାତକାର ଜରିଆରେ ହେବ ।
କିଭଳି କରିବେ ଆବେଦନ: ଇଚ୍ଛୁକ ଆଶାୟୀପ୍ରାର୍ଥୀ ୦୭.୦୯.୨୦୧୮ରୁ ୨୪.୦୯.୨୦୧୮ ସୁଦ୍ଧା ଏସବିଆଇର ଆଧିକାରୀକ ୱେବସାଇଟ ଏସବିଆଇ ଡଟ୍ କୋ ଡଟ୍ ଇନ ମାଧ୍ୟମରେ ଅନଲାଇନ ଆବେଦନ କରିପାରିବେ ।