ଭୁବନେଶ୍ବର : ବେଦାନ୍ତ ଲିମିଟେଡ୍‌ ପକ୍ଷରୁ କୁହାଯାଇଛି ଯେ ରାୟଗଡ଼ା ଓ କଳାହାଣ୍ଡି ଜିଲ୍ଳାରେ ଥିବା ସିଜିମାଳି ବକ୍ସାଇଟ୍‌ ଖଣି ପାଇଁ ଏହାକୁ ପସନ୍ଦର ବିଡର୍‌ ଭାବେ ଘୋଷଣା କରାଯାଇଛି। ଓଡ଼ିଶା ସରକାରଙ୍କ ପକ୍ଷରୁ କରାଯାଉଥିବା ଖଣି ନିଲାମ ଅଧୀନରେ ସିଜିମାଳି ଲାଗି ବେଦାନ୍ତକୁ ଚୟନ କରାଯାଇଛି ବୋଲି କଂପାନି ବମ୍ବେ ଷ୍ଟକ ଏକ୍ସଚେଞ୍ଜ୍‌କୁ ସୂଚନା ଦେଇଛି। ସିଜିମାଳି ବକ୍ସାଇଟ୍‌ ଖଣିରେ ୩୧୧ ନିୟୁତ ଟନ୍ ବକ୍ସାଇଟ୍‌ ଗଚ୍ଛିତ ରହିଛି। ବକ୍ସାଇଟ୍‌ର ମାନ ଦୃଷ୍ଟିର ତାହା ବେଦାନ୍ତ ପାଇଁ ବେଶ ଉପଯୋଗୀ ସାବ୍ୟସ୍ତ ହେବ।