ଗ୍ରାହକଙ୍କୁ ଝଟକା ଦେଲା ଭୋଡାଫୋନ ଆଇଡିଆ, ରିଚାର୍ଜ ପ୍ଲାନରୁ ହଟିଲା ଏହି ସୁବିଧା

ନୂଆଦିଲ୍ଲୀ: ସମସ୍ତ ଟେଲିକମ କମ୍ପାନି ଟାରିଫ ପ୍ଲାନର ବୃଦ୍ଧି କରି ଗ୍ରାହକଙ୍କୁ ଝଟକା ଦେଇଥିବା ବେଳେ କିଛି ଟେଲିକମ କମ୍ପାନି ରିଚାର୍ଜ ପ୍ଲାନରୁ ଅନେକ ସୁବିଧାକୁ ହଟାଇ ଦେଇଛନ୍ତି । ଟେଲିକମ୍ କମ୍ପାନି ବିଭିନ୍ନ ପ୍ଲାନରେ ନିଜର ଡାଟା ସୁବିଧାକୁ କମାଇ ଦେବା ସହ ଷ୍ଟ୍ରିମିଙ୍ଗ ସୁବିଧାକୁ ମଧ୍ୟ ହଟାଇ ଦେଇଛି । ଏୟାରଟେଲ ଓ ଜିଓ ବିଭିନ୍ନ ପ୍ଲାନରେ ଡିଜନୀ ପ୍ଲସ ହଟଷ୍ଟାର ସୁବିଧାକୁ ହଟାଇ ଦେଇ ଅନ୍ୟ ପ୍ଲାନରେ ଏହାକୁ ଯୋଡିଛି । ଆଉ ଏହି ତାଲିକାରେ ଯୋଡି ହୋଇଛି ଭୋଡାଫୋନ ଆଇଡିଆ(ଭିଆଇ) କମ୍ପାନି । ଏବେ ଭିଆଇ ଦୁଇଟି ପ୍ରିପେଡ ପ୍ଲାନରୁ ଡିଜନୀ ପ୍ଲସ ହଟଷ୍ଟାର ସୁବିଧାକୁ ହଟାଇ ଦେଇଛି ।

ଭିଆଇ ଏବେ ୬୦୧ ଓ ୭୦୧ ଟଙ୍କାର ରିଚାର୍ଜ ପ୍ଲାନରୁ ଡିଜନୀ ପ୍ଲସ ହଟଷ୍ଟାରକୁ ହଟାଇ ଦେଇଛି । ଏବେ ୬୦୧ ଟଙ୍କାର ପ୍ଲାନରେ ୟୁଜର୍ସଙ୍କୁ ୭୫ ଜିବି ଡାଟା ମିଳୁଥିବା ବେଳେ ଏହାର ବୈଧତା ୫୬ ଦିନ ରହିଛି । ପୂର୍ବରୁ ଏହି ପ୍ଲାନରେ ମଧ୍ୟ ଡିଜନୀ ପ୍ଲସ ହଟଷ୍ଟାରର ସୁବିଧା ମିଳୁଥିଲା । ସେହିଭଳି ୭୦୧ ଟଙ୍କାର ପ୍ରିପେଡ ପ୍ଲାନରେ ୩ ଜିବି ଡାଟାର ସୁବିଧା ପାଉଛନ୍ତି ୟୁଜର୍ସ । ଆଉ ଏହାର ବୈଧତା ୫୬ ଦିନ ରହିଛି ।

ମ୍ପାନି ପକ୍ଷରୁ ଯେଉଁ ନୂଆ ଟ୍ୟାରିଫ୍ ପ୍ଲାନ ଅଣାଯାଇଛି ସେଥିରେ ୫୦୧ ଓ ୯୦୧ ଟଙ୍କାର ପ୍ରିପେଡ ରିଚାର୍ଜ ପ୍ଲାନରେ ହଟଷ୍ଟାରର ସୁବିଧା ମିଳୁଛି । ୫୦୧ ଟଙ୍କା ପ୍ଲାନର ବୈଧତା ୨୮ ଦିନ ରହିଥିବା ବେଳେ ୯୦୧ ଟଙ୍କା ପ୍ଲାନର ବୈଧତା ୭୦ ଦିନ ରହିଛି । ସେହିଭଳି ଭିଆଇର ୩୦୫୫ ଟଙ୍କାର ବର୍ଷିକିଆ ପ୍ଲାନରେ ଦୈନିକ ୧.୫ ଜିବି ଡାଟା ସହ ଅନଲିମିଟେଡ କଲ ଓ ଡିଜନୀ ପ୍ଲସ ହଟଷ୍ଟାରର ସୁବିଧା ଉପଲବ୍ଧ ରହିଛି ।