ବିଶ୍ୱର ପ୍ରଥମ ଇନ-ଡିସପ୍ଲେ ଫିଙ୍ଗରପ୍ରିଣ୍ଟ ସ୍କାନିଂ ଫୋନର ପ୍ରଦର୍ଶନ କଲା ଭିଭୋ
ଚାଇନିଜ୍ ସ୍ମାର୍ଟଫୋନ୍ ବ୍ରାଣ୍ଡ୍ ଭିଭୋ ପକ୍ଷରୁ ଏହାର ବହୁ ପ୍ରତୀକ୍ଷିତ ତଥା ବିଶ୍ୱର ପ୍ରଥମ ଇନ-ଡିସପ୍ଲେ ଫିଙ୍ଗରପ୍ରିଣ୍ଟ ସ୍କାନିଂ ସ୍ମାର୍ଟଫୋନ୍କୁ ଆମେରିକାର ଲସ ଭାଗସଠାରେ ଅନୁଷ୍ଠିତ ସିଇଏସ୍-୨୦୧୮ ବା ଇଣ୍ଟରନାସନାଲ କଂଜୁମର ଇଲେକ୍ଟ୍କୋନିକ୍ସ ଶୋ’ରେ ପ୍ରଦର୍ଶନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହି ସ୍ମାର୍ଟଫୋନରେ ଡିସପ୍ଲେ ଉପରେ ହିଁ ଫିଙ୍ଗରପ୍ରିଣ୍ଟ ସେନସେର ରହିଛି । ଏହି ଫିଚର ଥିବା ସ୍ମାର୍ଟଫୋନ ନିର୍ମାଣ ପାଇଁ କମ୍ପାନି ଆମେରିକୀୟ ଟେକନଲୋଜୀ କମ୍ପାନି ସିନାପ୍ଟିକ୍ର ଅପଟିକାଲ ଇନ-ଡିସପ୍ଲେ ଫିଙ୍ଗରପ୍ରିଣ୍ଟ ସେନସର ବ୍ୟବହାର କରିଛି । ସିନାପଟିକ ଦ୍ୱାରା ପ୍ୟାଟେଣ୍ଟ କରାଯାଇଥିବା ଏହି ଟେକନଲୋଜୀର ନା ହେଉଛି କ୍ଲିୟର ଆଇଡି । ଏହି ଟେକନଲୋଜୀ ବ୍ୟବହାର କରିବା ଦ୍ୱାରା ସ୍ମାର୍ଟଫୋନର ଡିସ୍ପ୍ଲେକୁ ସମ୍ପୂର୍ଣ୍ଣ ଭାବେ ବେଜେଲ୍ଲେସ୍ କରିହେବ । ଅର୍ଥାତ୍ ଫୋନର ଆଗପଟଟି ସମ୍ପୂର୍ଣ୍ଣ ଭାବେ ଡିସ୍ପ୍ଲେ ଦ୍ୱାରା କଭର ହୋଇ ରହିବ । ଫିଙ୍ଗର ପ୍ରିଣ୍ଟ ସ୍କାନର ପାଇଁ କୌଣସି ଅଲଗା ସ୍ଥାନ ରଖିବାକୁ ପଡିବ ନାହିଁ । କମ୍ପାନି ଏହି ଫୋନର ଉତ୍ପାଦନ ଆରମ୍ଭ କରିଦେଇଛି । ଚଳିତ ବର୍ଷ କମ୍ପାନି ଫିଙ୍ଗରପ୍ରିଣ୍ଟ ସ୍କାନିଂ ବ୍ୟବସ୍ଥାଥିବା ସ୍ମାର୍ଟଫୋନର ବଜାର ପ୍ରବେଶ ସମ୍ପର୍କରେ ଘୋଷଣା କରିବ।
ଏହି ଅବସରରେ ଭିଭୋର ବରିଷ୍ଠ ଉପସଭାପତି ଆଲେକ୍ସ୍ ଫେଙ୍ଗ୍ କହିଲେ, ‘ କମ୍ପାନି ପକ୍ଷରୁ ୨୦୧୭ ରେ ଏମଡବ୍ଲ୍ୟୁସି ସାଙ୍ଘାଇଠାରେ ପ୍ରୋଟୋଟାଇପ୍ ଫିଙ୍ଗରପ୍ରିଣ୍ଟ ସ୍କାନିଂ ଟେକନଲୋଜୀର ପ୍ରଦର୍ଶନ କରାଯାଇଥିଲା। ଏହା ଅଲଟ୍ରାସୋନିକ୍ ସେନସର ଉପରେ ପର୍ଯ୍ୟବେଶିତ ଥିଲା । ତେବେ ସମ୍ପ୍ରତି ଆମେ ସମୟର ଆବଶ୍ୟକତାକୁ ଦୃଷ୍ଟିରେ ରଖି ନୂତନ ସ୍ମାର୍ଟଫୋନ୍ ନିର୍ମାଣକୁ ଗୁରୁତ୍ୱ ଦେଉଛୁ। ଏହା ଖୁବଶୀଘ୍ର ଗ୍ରାହକଙ୍କୁ ଯୋଗାଇ ଦିଆଯିବ। ଗ୍ରାହକଙ୍କ ଚାହିଦା ଓ ବହୁବିଧ ଆବଶ୍ୟକତାକୁ ଦୃଷ୍ଟିରେ ରଖି କମ୍ପାନୀ ପକ୍ଷରୁ ନୂତନ ଜ୍ଞାନକୌଶଳ ଉପରେ ଅଧିକ ଧ୍ୟାନ ଦିଆଯାଉଥିବାବେଳେ ଯୋଜନାବଦ୍ଧ ଭାବେ ନୂତନ ସ୍ମାର୍ଟଫୋନ୍ ନିର୍ମାଣକୁ ଗୁରୁତ୍ୱ ଦିଆଯାଉଛି।