ହ୍ଵାଟ୍ସଆପ ଆଣିଲା ବଡ଼ ପରିବର୍ତ୍ତନ, ଏହି ଫୋନରେ ଫେବୃୟାରୀ ପହିଲାରୁ କାମ କରିବ ନାହିଁ ଏହି ଆପ
ନୂଆଦିଲ୍ଲୀ: ସ୍ମାର୍ଟଫୋନର ବ୍ୟବହାର ବଢିବା ସାଙ୍ଗକୁ ହ୍ଵାଟ୍ସଆପର ବ୍ୟବହାରକାରୀଙ୍କ ସଂଖ୍ୟା ବଢ଼ିବାରେ ଲାଗିଛି | ତେବେ ହ୍ଵାଟ୍ସଆପ ପକ୍ଷରୁ କିଛି ନୂଆ ଘୋଷଣା କରାଯାଇଛି | କିଛି ଫୋନରେ ହ୍ଵାଟ୍ସଆପ ସପୋର୍ଟ କରିବ ନାହିଁ ବୋଲି କୁହାଯାଇଛି | ମିଳିଥିବା ସୂଚନା ମୁତାବକ ଆସନ୍ତା ଫେବୃଆରୀ ମାସ ୧ ତାରିଖରୁ କିଛି ସ୍ମାର୍ଟଫୋନରେ ଆଉ ସପୋର୍ଟ କରିବନି ହ୍ୱାଟ୍ସଆପ୍ । କାରଣ କ୍ରମାଗତ ଅପଡେଟ୍ ଜରିଆରେ ଅନେକ ନୂଆ ଫିଚର୍ସ କମ୍ପାନୀ ଆଣୁଛି କିଛି ଫୋନ ଗୁଡିକରେ ସପୋର୍ଟ କରିବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଯଦି ଆପଣଙ୍କ ପାଖରେ ମଧ୍ୟ ଏଭଳି ସ୍ମାର୍ଟଫୋନ୍ ଅଛି, ଆଉ ଆପଣ ହ୍ୱାଟ୍ସଆପର ବ୍ୟବହାର ଜାରି ରଖିବା ପାଇଁ ଚାହୁଁଛନ୍ତି, ତେବେ ଆପଣଙ୍କୁ ଆପଣଙ୍କର ମୋବାଇଲ୍ ଫୋନ୍ ବଦଳାଇବାକୁ ହେବ । ହ୍ୱାଟ୍ସଆପ ବ୍ୟବହାର କରିବା ପାଇଁ ଆପଣଙ୍କ ଫୋନରେ ଆଣ୍ଡ୍ରଏଡ ୪.୦.୩ ରୁ ଉପର ଆଣ୍ଡ୍ରଏଡ ଭର୍ସନ ଥିବା ଜରୁରୀ । ଯଦି ଆପଣ ଆଇଫୋନ୍ ବ୍ୟବହାର କରୁଛନ୍ତି, ତେବେ ଆପଣଙ୍କ ପାଖରେ ଆଇଓଏସ ୯ର ଉପର ଭର୍ସନ ଥିବା ଆବଶ୍ୟକ ।
ଯଦି ଆପଣଙ୍କ ଫୋନରେ ଏହି ଭର୍ସନ ଉପଲବ୍ଧ ନାହିଁ, ତେବେ ଆସନ୍ତା ଫେବୃଆରୀ ୧ ତାରିଖରୁ ଆପଣ ଆଉ ହ୍ୱାଟ୍ସଆପର ବ୍ୟବହାର କରିପାରିବେ ନାହିଁ । ପୂର୍ବରୁ ୱିଣ୍ଡୋଜସ୍ ସ୍ମାର୍ଟଫୋନ ଗୁଡିକ ପାଇଁ ହ୍ୱାଟ୍ସଆପ ସପୋର୍ଟ ବନ୍ଦ କରିଦେଇଛି କମ୍ପାନୀ । ଆଉ ଏବେ ଏହି ମୋବାଇଲ ଗୁଡିକରେ ଆଉ ଚାଲିବନି ହ୍ୱାଟ୍ସଆପ୍ । ଏଥିପାଇଁ ଆପଣ ସେଟିଙ୍ଗକୁ ଯାଇ ଫୋନରେ କେଉଁ ଆଣ୍ଡ୍ରଏଡ଼ ଭର୍ସନ ଅଛି ତାହା ପରଖି ନିଅନ୍ତୁ |