ନୂଆଦିଲ୍ଲୀ: ଯଦି ଆପଣ ପୂର୍ବରୁ କୌଣସି ମୋବାଇଲ୍ ନମ୍ବରରେ ହ୍ଵାଟସ୍ ଆପ୍ ଚଳାଉଥିଲେ ଓ ଏବେ ସେହି ନମ୍ବର ବନ୍ଦ କରିଦେଇଛନ୍ତି। ଅର୍ଥାତ୍ ଆପଣ ସେହି ପୁରୁଣା ନମ୍ବର ବ୍ୟବହାର କରୁ ନାହାନ୍ତି କିମ୍ବା ବନ୍ଦ କରି ଦେଇଛନ୍ତି ତେବେ ସାବଧାନ ହୋଇ ଯାଆନ୍ତୁ। ଆପଣଙ୍କ ବ୍ୟକ୍ତିଗତ ହ୍ଵାଟସ୍ ଆପ ଚାଟ୍ ବିପଦରେ ଅଛି। ଏହି ଚାଟ୍ ଅନ୍ୟ ଜଣେ ପଢ଼ି ପାରିବାର ଅନେକ ଆଶଙ୍କା ରହିଛି। ଏହା ଦୁଲର୍ଭ ହ୍ଵାଟସ ଆପ୍ ବଗ କାରଣରୁ ସମ୍ଭବ ହୋଇଛି ବୋଲି Piunikawebର ଟିମ୍ ପକ୍ଷରୁ ପ୍ରକାଶ।
Sambad is now on WhatsApp
Join and get latest news updates delivered to you via WhatsApp
Piunikaweb ଟିମ୍ କହିବା ଅନୁଯାୟୀ, ଯଦି ଆପଣଙ୍କ ପୁରୁଣା ମୋବାଇଲ୍ ନମ୍ବର ଅନ୍ୟ କୌଣସି ବ୍ୟକ୍ତିଙ୍କୁ ମିଳୁଛି ଏବଂ ସେ ଯଦି ଏହି ନମ୍ବରରେ ହ୍ଵାଟସ୍ ଆପ୍ ଚାଲୁ କରୁଛନ୍ତି, ତେବେ ଆପଣଙ୍କ ପୁରୁଣା ଚାଟ ପ୍ଲେସ୍ ଟ୍ୟାକ୍ସଟ୍ରେ ଆସିପାରେ।
ଏମିତି ଏକ ଘଟଣା ଆମାଜନ୍ର ଜଣେ କର୍ମଚାରୀ ଏ ବି ଫୁଲରଙ୍କ ସହିତ ଘଟିଛି। ଫୁଲର ଟୁଇଟ କରି ଏହି ଘଟଣା ସମ୍ପର୍କରେ ସମସ୍ତଙ୍କୁ ଜଣାଇଛନ୍ତି। ଫୁଲରଙ୍କ କହିବାନୁସାରେ, ସେ ନୂଆ ସ୍ମାର୍ଟଫୋନ୍ରେ ନୂଆ ସିମ୍କାର୍ଡ ପକାଇ ହ୍ଵାଟସ୍ ଆପ୍ ଲଗ୍ଇନ୍ କରିଥିଲେ। ସେ ଯାହା ଦେଖିଥିଲେ ଆଶ୍ଚର୍ଯ୍ୟ ହୋଇଯାଇଥିଲେ। ସେ ସେହି ବ୍ୟକ୍ତିଙ୍କ ହ୍ଵାଟସ୍ ଆପ୍ ଚାଟ୍ ପଢ଼ି ପାରୁ ଥିଲେ ଯିଏ ଏହି ନମ୍ବର ପୂର୍ବରୁ ବ୍ୟବହାର କରୁଥିଲେ।