ହ୍ଵାଟ୍ସଆପ୍ ଆଣିବ ନୂଆ ଫିଚର: ଆପ୍ ନ ଖୋଲି ଦେଖି ପାରିବେ ଭିଡିଓ
ନୂଆଦିଲ୍ଲୀ : କିଛି ଦିନ ତଳେ ହ୍ଵାଟ୍ସଆପ୍ ଆଇଓଏସ୍ ବିଟା ଆପ୍ ଲଞ୍ଚ କରିଥିଲା । ଏବେ କମ୍ପାନୀ ଆଉ ଏକ ନୂଆ ଫିଚରକୁ ନେଇ କାମ ଚଳାଇଥିବା ଜଣାପଡ଼ିଛି । ଏହି ଫିଚର ଉପଲବ୍ଧ ହେବା ପରେ ବ୍ୟବହାରକାରୀମାନେ ଆପ୍କୁ ନ ଖୋଲି ନୋଟିଫିକେସନ ବାର୍ରେ ହିଁ ଭିଡିଓ ଦେଖି ପାରିବେ । କିନ୍ତୁ ପ୍ରଥମେ ଏହି ସୁବିଧା ଆଇଫୋନ ବ୍ୟବହାରକାରୀଙ୍କୁ ମିଳି ସାରିଥିବା ଜଣାପଡ଼ିଛି । ଆପଲ ନିଜ ଆପ୍ ଷ୍ଟୋର୍ରୁ ସବୁ ହ୍ଵାଟସ୍ଆପ୍ ଷ୍ଟିକର ହଟାଇବାର ଘୋଷଣା କରିବା ପରେ ହ୍ଵାଟ୍ସଆପ୍ ତରଫରୁ ଏଭଳି ନିଷ୍ପତ୍ତିି ନିଆଯାଇଥିବା ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆଇଓଏସ୍ ବିଟା ୟୁଜର୍ସ, ଯେଉଁମାନଙ୍କ ଫୋନରେ ୨.୧୮.୧୦୨.୫ ଭର୍ସନ ଇନ୍ଷ୍ଟଲ ଅଛି,ସେମାନେ ହିଁ ହ୍ଵାଟ୍ସଆପ୍ର ଏହି ନୂଆ ଫିଚରକୁ ବ୍ୟବହାର କରି ପାରିବେ । ନୂଆ ଫିଚର ବ୍ୟବହାର କିପରି କରାଯିବ, ସେ ନେଇ ଏ ପର୍ଯ୍ୟନ୍ତ କମ୍ପାନୀ ତରଫରୁ କୌଣସି ସୂଚନା ଦିଆଯାଇ ନାହିଁ ।