ନୂଆଦିଲ୍ଲୀ : ଆଜି ମଧ୍ୟରାତ୍ରିରୁ କେତେକ ନିର୍ଦ୍ଦିଷ୍ଟ ସ୍ମାର୍ଟଫୋନରେ ହ୍ଵାଟ୍ସଆପ ସେବା କାମ କରିବା ବନ୍ଦ କରିଦେବ । ସେଗୁଡିକ ମଧ୍ୟରେ ରହିଛନ୍ତି ବ୍ଲାକବେରୀ, ଓ୍ଵିଣ୍ଡୋଜ ଓ ଆଣ୍ଡ୍ରଏଡ ଅପରେଟିଂ ସିଷ୍ଟମ ଥିବା କେତେକ ଫୋନ । ଅର୍ଥାତ ଆପଣ ଯଦି ଏସବୁ ଫୋନ ଧରୁଛନ୍ତି ଆପଣ ହ୍ଵାଟ୍ସଆପରେ ନିଜର ପ୍ରିୟଜନଙ୍କୁ ନୂଆବର୍ଷ ଅଭିନନ୍ଦନ ଜଣାଇପାରିବେ ନାହିଁ । ଏହାର କାରଣ ହେଉଛି ହ୍ଵାଟ୍ସଆପ ଏସବୁ ପ୍ଲାଟଫର୍ମ ଗୁଡିକ ପାଇଁ ସେବା ଯୋଗାଇବା ବନ୍ଦ କରିଦେବ ।
Sambad is now on WhatsApp
Join and get latest news updates delivered to you via WhatsApp
ଯେଉଁ ସ୍ମାର୍ଟଫୋନଗୁଡ଼ିକରେ ହ୍ଵାଟ୍ସଆପ ବନ୍ଦ ହୋଇଯିବ ସେଗୁଡ଼ିକ ହେଉଛି ବ୍ଲାକବେରୀ ୧୦, ବ୍ଲାକବେରୀ ଓଏସ, ନୋକିଆ ସିମ୍ବିଆନ ଏସ୬୦, ଓ୍ଵିଣ୍ଡୋଜ ଫୋନ ୮.୦, ନୋକିଆ ଏସ୪୦, ୨.୩.୭ ଠାରୁ ପୁରୁଣା ଆଣ୍ଡ୍ରଏଡ ଭର୍ସନ, ଆଇଓଏସ ୭ ଭର୍ସନ ଠାରୁ ପୁରୁଣା ଆଇଫୋନ । ପ୍ରକୃତରେ ନୋକିଆ ଏସ୪୦ ମୋବାଇଲ ପାଇଁ ହ୍ଵାଟ୍ସଆପ ଲାଇସେନ୍ସ ଗତ ଜୁଲାଇ ମାସଠାରୁ ସମାପ୍ତ ହୋଇଗଲାଣି । କିନ୍ତୁ ହ୍ଵାଟ୍ସଆପ ତାହାକୁ ଡିସେମ୍ବର ୩୧ ପର୍ଯ୍ୟନ୍ତ ବଢାଇଦେଇଥିଲା । ତେବେ ଏସବୁ ଫୋନ ଆଜିକାଲି ବଜାରରେ ସେତେଟା ଉପଲବ୍ଧ ନଥିବାରୁ ଲୋକମାନେ ବିଶେଷ ପ୍ରଭାବିତ ହେବାର ସମ୍ଭାବନା କମ ବୋଲି ଜଣାଯାଇଛି ।