ଲକଡାଉନକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିବା ରାଜୀବ ବଜାଜ କିଏ ଜାଣିଛନ୍ତି କି ?
ନୂଆଦିଲ୍ଲୀ: ଭିଡିଓ କନଫରେନ୍ସ ମାଧ୍ୟମରେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ସହ ବାର୍ତ୍ତାଳାପରେ ବିଶିଷ୍ଟ ଶିଳ୍ପପତି ରାଜୀବ ବଜାଜ ଆଜି ଲକଡାଉନକୁ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି | ସେ କହିଛନ୍ତି ଯେ କରୋନା ସଙ୍କଟକୁ ମୁକାବିଲା କରିବା ଦିଗରେ ଭାରତ ପାଶ୍ଚାତ୍ୟ ଦେଶ ଆଡକୁ ନଜର ଦେଇ ଏଭଳି କରିଛି | ଭାରତ ଯେଉଁ କଡ଼ା ଲକଡାଉନ ଲଗାଇବାକୁ ଚେଷ୍ଟା କରିଛି, ଏହା ଦ୍ୱାରା ସଂକ୍ରମଣ ବନ୍ଦ ହୋଇନାହିଁ ବରଂ ମୋଟ ଘରୋଇ ଉତ୍ପାଦ (ଜିଡିପି) ଉପରେ ପ୍ରଭାବ ପଡିଛି | କଂଗ୍ରେସ ନେତା ରାହୁଲ ଗାନ୍ଧୀ ଆଜି କରୋନା ଉପରେ ବଜାଜ ଅଟୋ ପରିଚାଳନା ନିର୍ଦ୍ଦେଶକ ରାଜୀବ ବଜାଜଙ୍କ ସହ କଥା ହୋଇଥିଲେ । ବଜାଜ କହିଛନ୍ତି- “ବିକଶିତ ଦେଶଗୁଡ଼ିକର ଧନୀ ଲୋକମାନେ ଏହା ଦ୍ୱାରା ପ୍ରଭାବିତ ହୋଇଛନ୍ତି, ତେଣୁ ଏହା ହେଡଲାଇନ୍ ହୋଇଯାଇଛି |
Sambad is now on WhatsApp
Join and get latest news updates delivered to you via WhatsApp
Watch: In conversation with Mr Rajiv Bajaj on the Covid19 crisis. https://t.co/wLwUpAwxDd
— Rahul Gandhi (@RahulGandhi) June 4, 2020
ରାଜୀବ ବଜାଜ କିଏ?
ରାଜୀବ ବଜାଜ ଡିସେମ୍ବର ୨୧, ୧୯୬୬ ରେ ଜନ୍ମଗ୍ରହଣ କରିଥିଲେ। ତାଙ୍କୁ ସମଗ୍ର ବିଶ୍ୱର ଜଣେ ସଫଳ ଭାରତୀୟ ବ୍ୟବସାୟୀ ଭାବରେ ଗଣାଯାଏ | ସେ ୨୦୦୫ ରୁ ବଜାଜ ଅଟୋ ର ପରିଚାଳନା ନିର୍ଦ୍ଦେଶକ ଅଛନ୍ତି | ପଲସର ବାଇକକୁ ଆରମ୍ଭ କରି ସେ ବଜାଜ କମ୍ପାନୀକୁ ନୂତନ ଜୀବନ ଦେଇଥିଲେ | ପୁଣେର ଅକୁର୍ଡି ସ୍ଥିତ ସେଣ୍ଟ ଉର୍ସୁଲା ଉଚ୍ଚ ବିଦ୍ୟାଳୟରୁ ପାଠପଢା ସମାପ୍ତ କରିବା ପରେ ୧୯୮୮ ମସିହାରେ ପୁଣେ ବିଶ୍ୱବିଦ୍ୟାଳୟରୁ ମେକାନିକାଲ ଇଞ୍ଜିନିୟରିଂ ଡିଗ୍ରୀ ହାସଲ କରିଥିଲେ। ୧୯୯୦ ମସିହାରେ ସେ ୱାର୍କିକ୍ ବିଶ୍ୱବିଦ୍ୟାଳୟରୁ ମ୍ୟାନୁଫ୍ୟାକଚୂରିଙ୍ଗରେ ମଧ୍ୟ ଡିଗ୍ରୀ ଅର୍ଜନ କରିଥିଲେ।