ନୂଆଦିଲ୍ଲୀ : ଦେଶରେ ୫ଜି ସେବା ଆରମ୍ଭ ହୋଇଯାଇଛି । ଗତ ୧ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଣ୍ଡିଆ ମୋବାଇଲ କଂଗ୍ରେସ ଅବସରରେ ଏହାର ଉଦଘାଟନ କରିଥିଲେ । ପ୍ରଥମ ପର୍ଯ୍ୟାୟରେ ୮ଟି ସହର ଦିଲ୍ଲୀ, ବାରାଣାସୀ, ମୁମ୍ବାଇ, ବେଙ୍ଗାଲୁରୁ, ଅହମଦାବାଦ, ଚେନ୍ନାଇ, ଲକ୍ଷ୍ନୌ, କୋଲକାତାରେ ଏହି ସେବା ଆରମ୍ଭ ହୋଇଛି । ପ୍ରଥମ କମ୍ପାନିଭାବେ ଏୟାରଟେଲ ଏହି ସେବା ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ପର୍ଯ୍ୟାୟକ୍ରମେ ଦେଶର ଅନ୍ୟ ସହରଗୁଡ଼ିକରେ ଏହି ସେବା ଆରମ୍ଭ ହେବ। ତେବେ ଏଠାରେ ପ୍ରଶ୍ନଉଠୁଛି ଯେ କିପରି ରହିବ ୫ଜି ସେବାର ତାରିଫ ? କଣ ଏହା ୪ଜି ସେବାଠାରୁ ମହଙ୍ଗା ହେବ କି ?
ଏ ସଂପର୍କରେ ଏୟାରଟେଲର ଜଣେ ବରିଷ୍ଠ ଅଧିକାରୀ ଗଣମାଧ୍ୟମକୁ କହିଛନ୍ତି ଯେ, ଖୁବଶୀଘ୍ର ୫ଜି ସେବା ତାରିଫ ଘୋଷଣା କରାଯିବ । କେବେ ୫ଜି ସେବାର ଦର ୪ଜି ସେବା ସହ ସମାନ ରହିବାର ସମ୍ଭାବନା ରହିଛି । କାରଣ ଦେଶରେ ଏବେ ମାତ୍ର ୮-୯ ପ୍ରତିଶତ ମୋବାଇଲ ହାଣ୍ଡସେଟରେ ୫ଜି ସେବାର ସୁବିଧା ରହିଛି । ୫ଜି ପାଇଁ ଅଧିକ ତାରିଫ କରିଦେଲେ ତାହା କମ୍ପାନିମାନଙ୍କ ଆୟରେ ସେପରି କୌଣସି ବୃଦ୍ଧି କରାଇବ ନାହିଁ । ସେ କହିଛନ୍ତି ୨୦୨୪ ମାର୍ଚ୍ଚ ସୁଦ୍ଧା ୫ଜି ହାଣ୍ଡସେଟ ସଂଖ୍ୟା ୨୦ ପ୍ରତିଶତରେ ପହଞ୍ଚିବ । ସେତେବେଳକୁ ଅଧିକାଂଶ ସହରରେ ୫ଜି ସେବା ଆରମ୍ଭ ହୋଇଯାଇଥିବ ।