କର୍ମଚାରୀଙ୍କ ଦରମା ବୃଦ୍ଧି ହେବ କି ନାହିଁ? ମହଙ୍ଗା ଭତ୍ତା ନେଇ ଅପଡେଟ୍...

ନୂଆଦିଲ୍ଲୀ: ଗତ କିଛି ଦିନ ହେବ ସରକାରୀ କର୍ମଚାରୀଙ୍କ ପକ୍ଷରୁ ଏକ ସ୍ୱତନ୍ତ୍ର ଘୋଷଣାକୁ ଅପେକ୍ଷା କରାଯାଇଥିଲା। ଏ ସମ୍ପର୍କରେ ସୂଚନା ଥିଲା ଯେ ସରକାର ସେପ୍ଟେମ୍ବରରେ କର୍ମଚାରୀଙ୍କ ମହଙ୍ଗା ଭତ୍ତା(ଡିଏ) ବୃଦ୍ଧି କରିବାକୁ ଯାଉଛନ୍ତି।

କିନ୍ତୁ ଚଳିତ ମାସରେ ସେମାନଙ୍କର ବର୍ଦ୍ଧିତ ଦରମାକୁ ଅପେକ୍ଷା କରିଥିବା ଲୋକମାନେ ‌ଏବେ ଆଶ୍ଚର୍ଯ୍ୟ ହୋଇଛନ୍ତି। ସୂଚନାନୁସାରେ, ଖବର ପ୍ରକାଶ ପାଇଛି ଯେ ସେପ୍ଟେମ୍ବରରେ ଡିଏ ବୃଦ୍ଧି ଘୋଷଣା କରାଯିବ ନାହିଁ। ଏହା ଅକ୍ଟୋବରରୁ କାର୍ଯ୍ୟକାରୀ ହୋଇପାରେ।

କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ଡିଏ ପାଇଁ ଅଧିକ ସମୟ ଅପେକ୍ଷା କରିବାକୁ ପଡିପାରେ। ସେପ୍ଟେମ୍ବରରୁ ଏହା କାର୍ଯ୍ୟକାରୀ ହେବ ବୋଲି ଡିଏ ଘୋଷଣା ସମ୍ପର୍କରେ ଖବର ଆସିଥିଲା। କିନ୍ତୁ ବର୍ତ୍ତମାନ କର୍ମଚାରୀମାନଙ୍କୁ ଆଉ ଏକ ମାସ ଅପେକ୍ଷା କରିବାକୁ ପଡିବ। ସୂଚନାନୁସାରେ, ଏହି ମାସରେ ଡିଏ ସମ୍ବନ୍ଧରେ କୌଣସି ଅପଡେଟ୍ ହେବାର ସମ୍ଭାବନା କମ୍ ରହିଛି। ଏଥିପାଇଁ କର୍ମଚାରୀଙ୍କୁ ଦିପାବଳୀ ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ। ପାର୍ବଣ ପୂର୍ବରୁ ସରକାର ଏହାକୁ ଘୋଷଣା କରିପାରନ୍ତି ବୋଲି ସମ୍ଭାବନା ଅଛି।

ଅଧିକ ପଢ଼ନ୍ତୁ:ୟୁକ୍ରେନର ରାଜକୋଷ ଖାଲି: ସୈନିକଙ୍କ ଦରମା ବନ୍ଦ

୨୦୨୨ ପାଇଁ ଡିଏର ବୃଦ୍ଧି ଅନୁସାରେ ସେପ୍ଟେମ୍ବର ୨୮ରେ  ଡିଏ ହାର ଚାରି ପ୍ରତିଶତ ବୃଦ୍ଧି ପାଇଥିଲା । ସେହି ବର୍ଷ ଦିପାବଳୀ ୨୪ ଅକ୍ଟୋବରରେ ଥିଲା।  ଗତ ୨୦୨୩ ବର୍ଷ ବିଷୟରେ କହିବାକୁ ଗଲେ ଦଶହରା ୨୪ ଅକ୍ଟୋବରରେ ଏବଂ ଦିପାବଳୀ ୧୨ ନଭେମ୍ବରରେ ଥିଲା। ଏହି ସମୟ ମଧ୍ୟରେ ସରକାର ଦୀପାବଳି ପୂର୍ବରୁ ଡିଏ ବୃଦ୍ଧି ଘୋଷଣା କରିଥିଲେ। ଏହାକୁ ଦୃଷ୍ଟିରେ ରଖି ଏବେ କଳ୍ପନାଜଳ୍ପନା କରାଯାଉଛି ଯେ ଏଥର ଦିପାବଳୀ ପୂର୍ବରୁ ଡିଏ ବୃଦ୍ଧି ଘୋଷଣା କରାଯାଇପାରେ।

ଅଧିକ ପଢ଼ନ୍ତୁ:ଶାନ୍ତି ନ ହେବା ଯାଏଁ କୌଣସି ଆଲୋଚନା ହେବ ନାହିଁ: ଶାହ ସ୍ପଷ୍ଟ କଲେ

ଡିଏ ଅର୍ଥ ହେଉଛି ମହଙ୍ଗା ଭତ୍ତା। ମୁଦ୍ରାସ୍ଫୀତି ବୃଦ୍ଧିକୁ ଦୃଷ୍ଟିରେ ରଖି ସରକାର କର୍ମଚାରୀମାନଙ୍କୁ ଡିଏ ଉପହାର ଦେଇଥାନ୍ତି। ଏହା କର୍ମଚାରୀଙ୍କ ମୂଳ ବେତନର ଏକ ନିର୍ଦ୍ଦିଷ୍ଟ ପ୍ରତିଶତ ଭାବରେ ଦିଆଯାଇଥାଏ। ମୂଳ ଦରମା ସହିତ, ଘର ଭଡା ଭତ୍ତା ପରି ଅନ୍ୟାନ୍ୟ ପରିମାଣ ମଧ୍ୟ ଡିଏରେ ଯୋଡା ଯାଇଥା।