ଶାଓମିର ଫୋନ୍ ବିକ୍ରି ୧୦ କୋଟି ଟପିଲା
ଭୁବନେଶ୍ବର : ବିଗତ ପାଞ୍ଚ ବର୍ଷରେ ଶାଓମି ଭାରତରେ ୧୦ କୋଟିରୁ ଅଧିକ ଫୋନ୍ ବିକ୍ରି କରିଛି। ଚଳିତ ବର୍ଷ ଜୁଲାଇରେ କଂପାନି ଏହି ମାଇଲଖୁଣ୍ଟ ହାସଲ କରିଛି। ରେଡ୍ମି ଏ ଓ ରେଡ୍ମି ନୋଟ୍ ସିରିଜ୍ ଫୋନ୍ଗୁଡ଼ିକର ବିକ୍ରି ବହୁତ ଅଧିକ ରହିବା ଯୋଗୁ କଂପାନି ଏହି ସଫଳତା ହାସଲ କରିଛି। ଦେଶର ସ୍ମାର୍ଟଫୋନ୍ ବଜାରର ୨୮.୩୧ ଭାଗ ଶାଓମି କବ୍ଜାରେ ରହିଛି। କଂପାନିର ରେଡ୍ମି ଏ୬ ଓ ରେଡ୍ମି ନୋଟ୍ ୭ପ୍ରୋ ହେଉଛି ଭାରତର ସବୁଠୁ ଅଧିକ ବିକ୍ରି ହେଉଛି ଦୁଇ ଶ୍ରେଷ୍ଠ ସ୍ମାର୍ଟଫୋନ୍। ଆମର ବିକ୍ରି ସଂଖ୍ୟା ଶାଓମି ଫୋନ୍ ପ୍ରତି ଗ୍ରାହକଙ୍କ ରହିଥିବା ଭଲ ପାଇବାକୁ ପ୍ରଦର୍ଶିତ କରୁଛି ବୋଲି କଂପାନି ଏମ୍ଡି ମନୁ ଜୈନ କହିଛନ୍ତି।