ଗୁରୁଗ୍ରାମ: କମ୍ପାନିର ସିଇଓମାନେ କେତେକ ସମୟରେ ସେମାନଙ୍କ ବ୍ୟବସାୟକୁ ବୁଝିବା ପାଇଁ ଅଣପାରମ୍ପରିକ ପନ୍ଥା ଅବଲମ୍ବନ କରିଥାନ୍ତି। ଏଭଳି ସିଇଓଙ୍କ ତାଲିକାରେ ଏବେ ଜୋମାଟୋର ସିଇଓ ତଥା ସହପ୍ରତିଷ୍ଠାତା ଦୀପିନ୍ଦର ଗୋୟଲ ସାମିଲ ‌ହୋଇଛନ୍ତି। ନିକଟରେ ସେ ତାଙ୍କ ପତ୍ନୀ ଗ୍ରେସିୟା ଗୋୟଲଙ୍କୁ ବାଇକ୍‌ରେ ବସାଇ ଏବଂ କମ୍ପାନିର ପୋଷାକ ପିନ୍ଧି ଗ୍ରାହକଙ୍କ ନିକଟରେ ଖାଦ୍ୟ ପହଞ୍ଚାଇଛନ୍ତି। ସାମାଜିକ ଗଣମାଧ୍ୟମ ଇନଷ୍ଟାଗ୍ରାମରେ କମ୍ପାନିର ହ୍ୟାଣ୍ଡେଲ୍‌ରୁ ଗୋୟଲ ଏବଂ ତାଙ୍କ ପତ୍ନୀଙ୍କ ଫଟୋ ସେୟାର କରାଯାଇଛି। ସେମାନେ ଜୋମାଟୋ ପୋଷାକ ପିନ୍ଧି ସହରର ରାସ୍ତାରେ ଯାଉଥିବା ଦେଖିବାକୁ ମିଳିଛି।