ଭୁବନେଶ୍ବର: ରସୁଲଗଡ଼ସ୍ଥିତ ଏସପ୍ଲାନେଡ୍ ୱାନ୍ ମଲ୍‌ର ପ୍ରଥମ ବାର୍ଷିକ ଉତ୍ସବ ଘୋଷଣା କରାଯାଇଛି। ଏଥିପାଇଁ ଅସ୍‌ଲି ହାପିନେସ୍ ୱାଲା ସେଲ୍ ଆରମ୍ଭ ହୋଇଯାଇଛି। ରଥଯାତ୍ରା ସହିତ ଏହି ଉତ୍ସବ ମଧ୍ୟ ପାଳନ କରାଯିବ। ମଲ୍ ଯଦିଓ ଜୁଲାଇ ୧୨ରେ ପ୍ରଥମ ବର୍ଷ ପୂରଣ କରୁଛି ୫ ତାରିଖରେ ରଥଯାତ୍ରା ପଡ଼ୁଥିବାରୁ ୪ ତାରିଖରୁ ଏହି ଉତ୍ସବ ଆରମ୍ଭ ହେବ। କେବଳ ସେତିକି ନୁହେଁ, ଏହାପର ୩ ଦିନ ପାଇଁ ଅର୍ଥାତ୍ ଜୁଲାଇ ୫, ୬ ଏବଂ ୭ ତାରିଖରେ ୩ ଦିନିଆ ସେଲ୍ ଆରମ୍ଭ ହେବ, ଯେଉଁଥିରେ ୧୦୦ରୁ ଊର୍ଧ୍ବ ବ୍ରାଣ୍ଡ୍ ଉପରେ ଫ୍ଲାଟ୍ ୫୦ ପ୍ରତିଶତ ରିହାତି ଗ୍ରାହକଙ୍କୁ ମିଳିବ। ଅସ୍‌ଲି ହାପିନେସ୍ ୱାଲା ସେଲ୍ ଆସନ୍ତା ଅଗଷ୍ଟ ୧୫ ପର୍ଯ୍ୟନ୍ତ ଚାଲିବ। ଏଥିରେ ଅନେକ ଅଗ୍ରଣୀ ବ୍ରାଣ୍ଡ୍‌ରେ ରିହାତି ପ୍ରଦାନ କରାଯାଉଛି। ଏହାବ୍ୟତୀତ ୨୫୦୦ ଟଙ୍କାରୁ ଅଧିକ ମୂଲ୍ୟର ସାମଗ୍ରୀ କିଣିଲେ ମଲ୍‌ ପକ୍ଷରୁ ନିଶ୍ଚିତ ଉପହାର ଭାଉଚର ଜିତିବା ସୁଯୋଗ ରହିଛି ବୋଲି ଏସପ୍ଲାନେଡ୍ ୱାନ୍‌ର ସେଣ୍ଟର ଡାଇରେକ୍ଟର ପାର୍ଥ ପ୍ରତିମ ନାୟକ କହିଛନ୍ତି।