ଉତ୍ତରପ୍ରଦେଶରେ ଥମୁ ନାହିଁ ଦୁଷ୍କର୍ମ : ଶୋଇଥିବା ସମୟରେ ଅପହରଣ କରି ଦୁଷ୍କର୍ମ ଏବଂ ପରେ ମୁଣ୍ଡକୁ ଛେଚି ନାବାଳିକାକୁ ହତ୍ୟା କଲେ ଅଭିଯୁକ୍ତ
ଉନ୍ନାଓ : ଏଇ କିଛି ମାସ ମଧ୍ୟରେ ଉତ୍ତରପ୍ରଦେଶରେ ମହିଳା ଏବଂ ଶିଶୁମାନଙ୍କ ପ୍ରତି ଦୁଷ୍କର୍ମ ବଢ଼ିବାରେ ଲାଗିଛି । ଏଭଳି ଘଟଣା କଡ଼ା ଆଇନ ବ୍ୟବସ୍ଥା ଥିବା ଦାବି କରୁଥିବା ସରକାରଙ୍କ ଅସଲ ଚେହେରା ସାମ୍ନାକୁ ଆଣିଛି । ଯୋଗୀ ସରକାରଙ୍କୁ ଏ ନେଇ ଲୋକେ ତୀବ୍ର ସମାଲୋଚନା କରିବା ଆରମ୍ଭ କରିଛନ୍ତି । ପୂର୍ବରୁ ଅନେକ ଶିଶୁ ଦୁଷ୍କର୍ମର ଶିକାର ହୋଇଥିବା ବେଳେ ଏବେ ୧୧ବର୍ଷୀୟ ନାବାଳିକାକୁ ଦୁଷ୍କର୍ମ ପରେ ହତ୍ୟା କରାଯିବା ଘଟଣାକୁ ନେଇ ପୁଣି ଚର୍ଚ୍ଚା ଆରମ୍ଭ ହେଇଛି । ଶୋଇଥିବା ସମୟରେ ପୀଡ଼ିତାଙ୍କୁ ଟେକି ନେଇ ଅଭିଯୁକ୍ତମାନେ ଦୁଷ୍କର୍ମ କରିଥିଲେ । ତେବେ ଏହି ଘଟଣା ପଛରେ କାହାର ହାତ ଅଛି ତାହା ସ୍ପଷ୍ଟ ହୋଇ ନଥିବା ବେଳେ ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତାଙ୍କ ବାପାଙ୍କ କହିବା ଅନୁଯାୟୀ, ପୀଡ଼ିତା ତାଙ୍କ ସହ ଘର ବାହାରେ ଶୋଇଥିବା ବେଳେ ନିଦ ଭାଙ୍ଗିବା ବେଳକୁ ପୀଡ଼ିତା ନଥିବା ଦେଖିଥିଲେ । ପ୍ରଥମେ ପାଖ ପଡ଼ିଆକୁ ଶୌଚ ହେବାକୁ ଯାଇଥିବା ଭାବି ସେ ଅପେକ୍ଷା କରିଥିବା ବେଳେ ଦୀର୍ଘ ସମୟ ପର୍ଯ୍ୟନ୍ତ ନ ଆସିବାରୁ ପରିବାର ଲୋକଙ୍କ ସହ ଖୋଜିବାକୁ ବାହାରିଥିଲେ ପୀଡ଼ିତାଙ୍କ ବାପା । କିଛି ସମୟ ପରେ ଏକ ଧାନ ବିଲରେ ପୀଡ଼ିତାଙ୍କ ମର ଶରୀର ପରିବାର ଲୋକଙ୍କୁ ମିଳିଥିଲା । ପୀଡ଼ିତାଙ୍କ ଶରୀରରେ କୌଣସି କପଡ଼ା ନ ଥିବା ସହ ତାଙ୍କ ମୁଣ୍ଡକୁ ଏବଂ ଗୁପ୍ତାଙ୍ଗକୁ ପଥରରେ ଛେଚି ଦିଆ ଯାଇଥିଲା । ଏଭଳି ଅବସ୍ଥା ଦେଖି ପରିବାର ଲୋକଙ୍କ ଛାତି ଥରି ଉଠିଥିଲା । ତେବେ ଏଭଳି ଅମାନବୀୟ କାଣ୍ଡ କିଏ କରିଛି, ତାହା ଜାଣି ପାରି ନାହାଁନ୍ତି ପରିବାର ଲୋକେ ।