ଦିଲ୍ଲୀରେ ୪ଜଣଙ୍କ ଦ୍ବାରା ଦୁଷ୍କର୍ମର ଶିକାର ‌ହେଲେ ୧୨ବର୍ଷୀୟ ବାଳକ, ଗୁପ୍ତାଙ୍ଗରେ ରଡ୍ ଭର୍ତ୍ତି କରି ମରିବା ପାଇଁ ଛାଡ଼ିଦେଲେ

ନୂଆଦିଲ୍ଲୀ: ନୂଆଦିଲ୍ଲୀରେ ଜଣେ ୧୨ବର୍ଷର ବାଳକକୁ ଚାରି ଜଣ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ନାବାଳକ ସହ ଦୁଷ୍କର୍ମ କରିବା ସହ ତାକୁ ବାଡ଼ିରେ ପିଟିବା ସହ ଗୁପ୍ତାଙ୍ଗରେ ରଡ୍ ଭର୍ତ୍ତି କରି ମରିବାକୁ ଛାଡି ଦିଆଯାଇଥିବା ଜଣାଯାଇଛି। ଦିଲ୍ଲୀ କମିଶନ ଫର ମହିଳା (ଡିସିଡବ୍ଲୁ) ମୁଖ୍ୟ ସ୍ବାତୀ ମାଲିୱାଲ ଏହି ଘଟଣା ସମ୍ପର୍କରେ ଟୁଇଟ୍ କରି କହିଛନ୍ତି ଯେ, ଦିଲ୍ଲୀରେ ପୁଅମାନେ ମଧ୍ୟ ସୁରକ୍ଷିତ ନୁହଁନ୍ତି। ମହିଳା ପ୍ୟାନେଲ ଏହି ଘଟଣାର ସୂଚନା ପାଇ ଦିଲ୍ଲୀ ପୁଲିସ ନିକଟରେ ଏଫଆଇଆର ଦାଖଲ କରିଛି।

ହିନ୍ଦୀ ଭାଷାରେ ଟ୍ବିଟ କରି ସ୍ବାତୀ ମାଲିୱାଲ ଲେଖିଛନ୍ତି ଯେ, ଦିଲ୍ଲୀରେ କେବଳ ଝିଅମାନେ ନୁହନ୍ତି ପୁଅମାନେ ମଧ୍ୟ ଅସୁରକ୍ଷିତ। ଜଣେ ୧୨ବର୍ଷର ବାଳକ ସହ ୪ ଜଣ ବ୍ୟକ୍ତି ଅତି ନିର୍ମମ ଭାବରେ ଦୁଷ୍କର୍ମ କରିବା ସହ ତାଙ୍କୁ ବାଡ଼ିରେ ପିଟିବା ପରେ ଗୁପ୍ତାଙ୍ଗରେ ରଡ୍ ଭର୍ତ୍ତି କରି ମରିବାକୁ ଛାଡି ମରିବା ପାଇଁ ଛାଡିଦେଇଥିଲେ। ଆମ ଟିମ ଏହି ପ୍ରସଙ୍ଗରେ ଏକ ଏତଲା ପଞ୍ଜୀକରଣ କରିଛି। ଜଣେ ଅଭିଯୁକ୍ତ ଗିରଫ ହୋଇଥିବା ବେଳେ ୩ଜଣ ଫେରାର ଅଛନ୍ତି। ଏନେଇ ଦିଲ୍ଲୀ ପୁଲିସକୁ ନୋଟିସ ଜାରି କରାଯାଇଛି।

ସମ୍ବନ୍ଧିତ ଖବର