ମାମୁ ପୁଅ ଭାଇ ସମେତ ୬ ଜଣ କଲେ ଦୁଷ୍କର୍ମ; ଚିତ୍କାର କରିବାରୁ ବ୍ଲେଡରେ କାଟିଦେଲେ ହାତ !
ଯମୁନାନଗର(ହରିୟାଣା) : ସହର ଠାରୁ ମାତ୍ର ୨୦୦ମିଟର ଦୂରତାରେ ଥିବା ସାଇବର କେଫେରେ ଘଟିଥିବା ଗଣଦୁଷ୍କର୍ମ ଏବେ ଚର୍ଚ୍ଚାର ବିଷୟ ପାଲଟିଛି । ଏହି ଘଟଣାରେ ପୀଡ଼ିତାଙ୍କ ମାମୁ ପୁଅ ଭାଇ ସାମିଲ ଥିବା ସମସ୍ତଙ୍କୁ ଅଧିକ ଆଶ୍ଚର୍ଯ୍ୟ କରିଛି । ଘଟଣା ସଂପର୍କରେ ପୁଲିସକୁ ଖବର ଦିଆଯିବାର ୧୦ଘଣ୍ଟା ମଧ୍ୟରେ ପୁଲିସ ୪ ଜଣ ଅଭିଯୁକ୍ତଙ୍କୁ ଗିରଫ କରି ନେଇଥିବା ଜଣାପଡ଼ିଛି । ଅନ୍ୟ ଦୁଇ ଜଣଙ୍କୁ ଏବେ ପୁଲିସ ଖୋଜିବା ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତାଙ୍କ ମାମୁ ପୁଅ ଭାଇ ଏବଂ ତାଙ୍କର ଜଣେ ସାଙ୍ଗ ପୀଡ଼ିତାଙ୍କ ଘରକୁ ଆସି ତୁମ ବାପା ଦୁର୍ଘଟଣାର ଶିକାର ହୋଇଥିବା କହିଥିଲେ । ଏହା ଶୁଣି ପୀଡ଼ିତା ଦୁଇ ଜଣଙ୍କ ସହ ବାଇକ୍ରେ ବସି ଡ଼ାକ୍ତରଖାନା ବାହାରିଥିଲେ । କିନ୍ତୁ ଦୁଇ ଅଭିଯୁକ୍ତ ପୀଡ଼ିତାଙ୍କୁ ଡ଼ାକ୍ତରଖାନ ନେବା ପରିବର୍ତ୍ତେ ଏକ ସାଇବର କାଫେକୁ ନେଇ ଗଣଦୁଷ୍କର୍ମ କରିଥିଲେ । ଏହି ସମୟରେ ସେଠାରେ ଆଉ ୪ଜଣ ଅଭିଯୁକ୍ତ ଆସି ପହଞ୍ଚିଥିଲେ । ଯେଉଁମାନେ ପୀଡ଼ିତାଙ୍କୁ ୨୦୦ମିଟର ଦୂରରେ ଥିବା ଆଉ ସାଇବର କାଫେକୁ ନେଇ ଗଣଦୁଷ୍କର୍ମ କରିଥିଲେ । ଏହି ସମୟରେ ପୀଡ଼ିତା ସାହାଯ୍ୟ ପାଇଁ ପାଟି କରିବାରୁ ବ୍ଲେଡ଼୍ରେ ୫୦ ଥର ତାଙ୍କ ହାତ କାଟିଥିଲେ ଅଭିଯୁକ୍ତ । ଗଣଦୁଷ୍କର୍ମ ପରେ ପୀଡ଼ିତା ବେହୋସ ହୋଇ ଯିବାରୁ ତାଙ୍କୁ ରାସ୍ତାରେ ଉପରେ ଫିଙ୍ଗି ଚାଲି ଯାଇଥିଲେ । ପରେ ପୀଡ଼ିତା ଘରକୁ ଫେରି ସବୁ ଜଣାଇବା ପରେ ଅଭିଯୁକ୍ତ ମାମୁ ପୁଅ ଭାଇର ପରିବାର ଅଭିଯୋଗ ନ କରିବା ପାଇଁ କହିବା ସହ ବିବାହ କରାଇବାକୁ କହିଥିଲେ । କିନ୍ତୁ ପୀଡ଼ିତାଙ୍କ ପରିବାର କାହା କଥା ନ ଶୁଣି ପୁଲିସରେ ଅଭିଯୋଗ କରିବା ପରେ ୪ଜଣଙ୍କୁ ଗିରଫ କରିଛି ପୁଲିସ ।